جموں و کشمیر اکیڈمی آف آرٹ، کلچر اینڈ لینگویجز راجوری/ پونچھ نے کیا اہتمام
ماجد چوہدری
پونچھ؍؍ آزادی کا امرت مہا اتسو کے ایک حصے کے طور پر جموں و کشمیر اکیڈمی آف آرٹ، کلچر اینڈ لینگویجز راجوری/ پونچھ کی جانب سے ڈسٹرکٹ جیل پونچھ میں ایک کثیر لسانی مشاعرہ کا اہتمام کیا گیا۔یہ مشاہرہ سپرینٹنڈنٹ ڈسٹرکٹ جیل پونچھ رجنی سیہگل کے تعاون سے منعقد کیا گیا۔اس مشاعرے میں شرکت کرنے والے شعراء میں شری کے ڈی مینی ، شیخ سجاد پونچھی ، ڈاکٹر جہانگیر ، محتشم احتشام بھٹ ، نذیر حسین بھٹی ، عشرت حسین بھٹ و ہارون راٹھور شامل ہیں۔اس مشاعرے کی نظامت کے فرائض مشہور و معروف شحصیت کے ڈی مینی و ہارون راٹھور لیکچرار نے انجام دیئے۔تمام شعراء نے اپنے کلام کے جوہر دکھائے اور تالیوں کی گڑ گڑاہٹ سے ان کے کلام کی مقبولیت کی تصدیق کی۔قیدیوں نے بھی تمام بھی بڑے لطف سے شعراء کا کلام سنا جس کے بعد جیل سپرنٹنڈنٹ رجنی سیہگل نے تمام معزز شعراء کا شکریہ ادا کیا اور جموں و کشمیر اکیڈمی آف آرٹ، کلچر اینڈ لینگویجز کے کام کو سراہا جس پر اکیڈمی نے بھی سپرنٹنڈنٹ کا تعاون کے لیے شکریہ ادا کیا۔
