تقریب میں شہدا کو خراج عقیدت پیش کر یادگار پر پھول چڑھائے گئے
ماجد چوہدری
پونچھ؍؍ مرکزی زیر انتظام جموں و کشمیر میں پولیس نے جموں و کشمیر پولیس نے یادگاری دن 2021 بڑی عقیدت و احترام کے ساتھ منایا اور اس موقع پر تقریبات کا انعقاد کر شہداء کو خراج عقیدت پیش کیا۔اسی ضمن میں ہیلی پیڈ گراونڈ پونچھ میں ضلع پولیس پونچھ نے ایک تقریب کا انعقاد کیا جس میں پولیس افسران کے علاوہ فوجی افسران و دیگر سول انتظامیہ نے بھی شرکت کی۔اس دوران پونچھ پولیس کی طرف سے پریڈ بھی کی گئی اور تمام شرکاء نے شہداء کی یاد میں قائم مجسمے کے سامنے پھول پیش کر شہداء کو خراج تحسین پیش کیا۔شرکاء میں ایس ایس پی پونچھ ڈاکٹر ونود کمار، ضلع ترقیاتی کمشنر پونچھ شری اندر جیت، چیئرپرسن ضلع ترقیاتی کونسل پونچھ تعظیم اختر و دیگر سماجی و سیاسی شخصیات و فوجی افسران بھی شامل ہیں۔آخر میں ایس ایس پی پونچھ ڈاکٹر ونود کمار نے اختتامی خطبہ پیش کرتے ہوئے شہداء کی شہادت پر روشنی ڈالی اور معزز مہمانوں کا تقریب میں شمولیت کے لیے شکریہ ادا کیا۔
