سرفرازقادری
پونچھ؍؍علاقہ بھینچھ کے دونوجوان اعجاز احمد ولد ریاض احمد اور فیاض احمد ولد قدیر حسین جو ایک حادثہ کے شکار ہوگئے ۔پورے علاقہ کے ساتھ ساتھ پورے شہر کو غمگین کرکے اس دارفانی کو خیر باد کہہ گئے ۔یہ دونوں نوجوان ہمارا مستقبل تھے ۔آنے والے وقت میں علاقے کا نام روشن کرتے لیکن اللہ کو کچھ اور ہی منظور تھا اور ایک گاڑی حادثہ میں وہ شھید ہوگئے ۔ان باتوں کا اظہار حافظ محمد عارف گنائی نے اخبار نمائندہ سے بات کرتے ہوئے کیا ۔انہوں نے کہا ہم اہل خانہ کے ساتھ انکے غم میں برابر کے شریک ہیں اس وقت یقیناً انکے والدین اور اہل خانہ کے لئے بہت بڑے امتحان کا وقت ہے ہم دعا کرتے ہیں اللہ تعالیٰ انکی مغفرت فرمائے علماء بھینچھ نے گہرے دکھ کا اظہار کیا اور اہل خانہ کو صبر کی تلقین کی تعزیت کرنے والوں میں مولانا مدثر، مولانا امین، مولانا اشفاق، مولانا امتیاز، مولانا مبشر، حافظ سید تعارف، حافظ محمد عارف گنائی، حافظ الیاس، حافظ اشرف، مولانا فرید، مولانا محمود، قاری رفیق، مولانا محمود، حافظ غلام رسول وغیرہ شامل ہیں۔
