کانگریس ملک میں بھوک اور غذائی قلت کی ذمہ دار ہے: ست شرما

شرما نے PMJKAY تحت ضرورت مند خاندانوں میں راشن تقسیم کیا
لازوال ڈیسک
جموں//کارپوریٹر وارڈ 9 سنیت رائنا کے زیر اہتمام یہاںایک پروگرام میں سابق وزیر اور سابق ایم ایل اے جموں ویسٹ ست شرما نے پی ایم جی کے اے وائیکے تحت ضرورت مند خاندانوں کی ایک بڑی تعداد میں راشن تقسیم کیا۔ وہیں اس موقع پر خطاب کرتے ہوئے ست شرما نے کہا کہ پی ایم مودی کی کوششوں سے دنیا نے پردھان منتری غریب کلیان انا یوجنا کو تسلیم کیا ہے اور وبائی امراض کے دوران 80 لاکھ سے زائد لوگوں کو 2 لاکھ کروڑ روپے سے زائد کے اخراجات کے ساتھ مفت راشن فراہم کیا گیا ہے۔ انہوں نے یہ بھی بتایا کہ آزادی کے بعد تقریبا ہر حکومت غریبوں کو سستا کھانا مہیا کرنے کی بات کرتی تھی لیکن سستے راشن سکیموں کا دائرہ کار اور بجٹ سال بہ سال بڑھتا گیا۔ انہوں نے مزید کہا کہ ملک کے غذائی ذخائر میں اضافہ ہوتا رہا ، لیکن بھوک اور غذائیت کی کمی اس تناسب سے کم نہیں ہوئی۔