کریانہ کی اشیاء برا آمد کر چوروں کو حراست میں لیا
حافظ قریشی
کٹھوعہ // کٹھوعہ پولیس نے ایس ایس پی کٹھوعہ آر سی کوتوال کی مجموعی نگرانی میں ایک اور چوری کا معاملہ حل کر کے 03 چوروں کو گرفتار کر کے ان چوروں سے چوری شدہ اشیائبرآمد کر لی ۔تفصیلات کے مطابق کٹھوعہ پولیس اسٹیشن کے نزدیک چوری کی واردات کا ایک معاملہ پیش آیا جس پر اس سلسلے میں ایک کیس درج کیا گیا تھا۔وہیں اس سلسلہ میں ایس ایچ او کٹھوعہ اوم پرکاش پر مشتمل ٹیم نے ڈی وائی ایس پی ہیڈ کوارٹرشمی کمار کی نگرانی میں نے تین مشتبہ چوروں کو گرفتار کیا تھا ۔وہیں مسلسل پوچھ گچھ کے دوران تمام 03 ملزمان نے اپنے ملوث ہونے کا اعتراف کیا اور چوری شدہ اشیاء کے بعد انکشاف کیا۔ گھی 21 کلو ، 13 پیکٹ بادام ، 11 پیکٹ سوگی ، 14 پیکٹ کاجو ، 15 پیکٹ کیپسٹن سگریٹ کے ساتھ پائلٹ کے 08 پیکٹ تین ملزمان سے برآمد ہوئے تھے ۔جن کی شناخت سمیت سنگھ والد سردار سنگھ رہائشی وارڈ نمبر 7کٹھوعہ ، وجے کمار ولد اشوک کمار ساکنہ وارڈ نمبر 18 کٹھوعہ اور ہتیش گپتا ولد حقیقت رائے ساکنہ وارڈ نمبر 04 ضلع کٹھوعہ کے طور پر ہوئی ہے۔ وہیں مذکورہ بالا کیس کی مزید تفتیش جاری ہے اور کسی دوسرے معاملے میں وہی مقامی لوگوں نے کٹھوعہ پولیس کی کوششوں کو سراہنا کی ۔
