آغاز والی پنچایت اشتیاری اور گلاب گڑھ کی ٹیموں کے درمیان بال میچ سے ہوا
مشتاق احمد دیو
کشتواڑ؍؍یوتھ سروسز اینڈ سپورٹس ضلع کشتواڑ کی طرف سے کشتواڑ کے پاڈر انتظامی سب ڈویژن میں سپورٹس کپ 2021ء کا آغاز والی بال میچ کرانے سے شروع ہوا ۔یہ میچ پنچایت اشتیاری اور گلاب گڑھ کی ٹیموں کے درمیان ہوا دونوں ٹیمز کے کھلاڑیوں نے بہتر کارکردگی کا مظاہرہ کیا تاہم یہ میچ پنچایت اشتیاری نے جیت لیا ۔اس موقع پر ڈی ڈی سی ممبر بھی موجود رہا جس نے میچ کے پروگرام کا افتتاح کیا بی ڈی سی ممبر کے علاوہ کئی مقامی دیہی ذمہ داران اور کئی آفیسران بھی موجود رھے یوتھ سروسز اینڈ سپورٹس ضلع کشتواڑ کے پریس ذمدار جاوید کرایپاک کے مطابق محکمہ کے ضلعی آفیسر خیراتی لال شرما نے کھلاڑیوں عملے اور دیگر شرکا ء کا شکریہ ادا کیا او ر کہا کہ جس جوش وجذبے کے ساتھ مختلف کھیلوں کے میچز کے دوران وہ سنجیدگی اور جذبے کا مظاہرہ کیا جاتا ہے وہ قابل ستائش ھے ۔انہوں نے کھیلوں کی افادیت پر بھی روشنی ڈالی یاد رھے کہ خیراتی لال شرما نے ضلع کشتواڑ میں کووڈ کی اس بیماری میں بھی وضع شدہ ضوابط کو ملحوظ نظر رکھتے ہوے مختلف انواع کے میچز کا اہتمام کروایا جسکی سراہنا کی جارہی ہے ۔میچز محکمہ یوتھ سروسز اینڈ سپورٹس کے ڈایریکٹر جنرل غضنفر علی کے احکام کے مطابق کیے جانے کا سلسلہ جاری ھے ۔
