کہا آئندہ دنوں میں جموں مغرب کے ہر وارڈ میں تنظیمی اجلاس منعقد ہوں گے
لازوال ڈیسک
جموں// آج یہاں ضلع جموں میں بی جے پی یونٹ نے ضلع صدر منیش کھجوریہ کی قیادت میں ضلع جنرل سکریٹریوں ، منڈل صدور اور منڈل جنرل سکریٹریوں کی میٹنگ کا اہتمام کیا۔اس موقع پر خطاب کرتے ہوئے منیش کھجوریہ نے پارٹی رہنماؤں کو نئے کام تفویض کرتے ہوئے کہا کہ آئندہ دنوں میں جموں مغرب کے ہر وارڈ میں تنظیمی اجلاس منعقد ہوں گے۔ جو ضلع کے ہر پولنگ بوتھ کا احاطہ کریں گے۔ انہوں نے کہا کہ مرکزی توجہ بوتھ کمیٹیوں اور پینا پرموخوں پر مرتب کی جائے گی کیونکہ پارٹی انتخابی موڈ میں داخل ہوچکی ہے اور یہ دیکھا جائے گا کہ آنے والے دنوں میں ان کمیٹیوں کو بوتھ لیول پر بنایا گیا ہے ۔میٹنگ میں ضلع جنرل سکریٹری ایڈ راجیش گپتا اور ایڈوان کرن شرما ، منڈل صدر رویش مینگی اور کیشو چوپڑا اور منڈل جنرل سکریٹری منیش گپتا اور سنگیتا ورما موجود تھے۔
