کپواڑہ؍؍آئی اِی سی مہم کے تحت اَپنی کوششوں کو جاری رکھتے ہوئے ڈسٹرکٹ اِنفارمیشن سینٹر ( ڈی آئی سی ) کپواڑہ نے آج کپواڑہ ، ہنڈواڑہ اور ٹنگڈارقصبوں کے مختلف مقامات پر کووِڈ ایس او پیز کی عمل آوری کے لئے مختلف سرگرمیاں اَنجام دیں۔اِس سلسلے میں پی اے ایس لگائی گئی گاڑیوں کے ذریعے بار بار اپیلیں کی گئیں کہ کووِڈ مناسب طرزِ عمل ، ماسک کا استعمال اور ہاتھوں کی صفائی اور سماجی فاصلہ برقرار رکھا جائے۔ دریں اَثنا لوگوں میں گاڑیوں ، گلیوں ، اے ٹی ایم کے قریب لوگوں میں پمفلٹ بھی تقسیم کئے گئے اور انہیں ہدایت دی گئی کہ وہ کووِڈ ایس او پیز کے بارے میں ہدایات پر عمل کریں۔ڈسٹرکٹ اِنفارمیشن سینٹر کپوارہ نے 9؍ اگست سے ضلع میں بڑے پیمانے پر آئی اِی سی مہم شروع کی ہے ۔اِس دوران لوگوں کو کووِڈ مناسب طرزِ عمل( سی اے بی ) کی عمل آوری کے بارے میں جانکاری فراہم کی گئی اور آئی اِی سی کے مختلف طریقے اختیار کئے گئے تاکہ لوگوں کو کووِڈ ایس او پیز پر عمل کرنے کی تعلیم دی جائے۔
