بابر فاروق
کشتواڑ؍؍کشتواڑ پولیس نے خودکشی کرنے سے روک کر دو قیمتی جانیں بچائیں۔ ایک خاتون اور ایک نابالغ لڑکیکو کشتواڑ کے علاقے کاندنی اور چہرہار سے اس وقت بچایا گیا جب وہ خودکشی کرنے والے تھے۔پی سی آر کشتواڑ کو ایک ٹیلی فون کے ذریعے اطلاع موصول ہوئی کہ گاؤں ہونجالہ کی ایک خاتون اپنی زندگی کو ختم کرنے کے ارادے سے پریشان ذہنی حالت میں بھنڈارکوٹ کی طرف روانہ ہو گئی ہے۔ اطلاع موصول ہونے پر پی سی آر کا سی سی ٹی وی یونٹ استعمال میں لایا گیا اور خاتون کو گیرینگر کے قریب روکا گیا اور بعد میں خاتون کے رشتہ دار مناسب مشاورت کے بعد انہیں اپنے گھر لے گئے۔ایک اور واقعہ میں سرور سے تعلق رکھنے والا ایک نابالغ لڑکا جو کہ خود کشی کے لیے کاندنی پل پر دریا میں چھلانگ لگانے والا تھا اور پولیس نے صورتحال کو محسوس کرتے ہوئے اسے پکڑ لیا اور مشاورت کے بعد اسے اس کے خاندان کے حوالے کردیا گیا۔ پولیس کے مطابق معاملے کی تحقیقات کے نتائج کے بعد قانون کے تحت کارروائی عمل میں لائی جائے گی۔
