زبیر ملک
درہال ؍؍درہال ملکاں کی پنچایت حلقہ کوٹلہ کی ٹیم نے بڑے دکھ کا اظہار کرتے ہوئے کہا کہ باقی کی پنچایتوں میں تمام ٹیموں کو کھیلنے کا سامان پنچایت کی طرف سے ملا ہے مگر بڑے افسوس سے کہنا پڑتا ہے کہ آج تک کوئی سامان وغیرہ کوٹھڑا میں رہنے والے کسی بھی کھلاڑی کو نہیں ملا ہے جبکہ سرکار نے ان کو ہمارے سامان کے لیے فنڈز بھی دی ہوئی ہے یہ سب ہونے کے باوجود بھی ہمیں نظراندازکیا جا رہا ہے در حال کی بلاک ڈویلپمنٹ آفیسر سے ہم نے کئی بار مطالبہ بھی کیا ہے نہ ہی ڈویلپمنٹ آفیسر نے اپنے گرام سیوک کو کہا ہے اور نہ ہی سرپنچ کو کہا ہے ہمیں اس بات کا شبہ ہے کہ شاید کام کی طرح اس میں بھی کمیشن وغیرہ لے کر ہم کو سامان دیا جائے گالہذا ہم گزارش کرتے ہیں کہ ہمیں کھیلوں کا کٹ دلوایا جائے کوئی نریگاکا کام نہیں کہ ہم پہلے کمیشن دیں گے اور بعد میں کام ملے گا سرکار نے ہمارے لیے محکمہ والوں کو اور سرپنچ حضرات کو پیسہ دیا ہوا ھے علاقہ کے گرا مسیوک سے کئی بار مطالبہ بھی کیا ہے مگر اس کے کانوں تک جوں تک نہیں رینگتی اور ہم یہ گزارش کرتے ہیں ایڈمنسٹریشن سے ایسے آدمی کو یہاں سے تبدیل کر کے کہیں اور بھیجا جائے اور ہمیں کھیلوں کا سامان دے کر شکریہ کا موقع عطا فرمائے۔
