متھن چکرورتی سے کلکتہ پولس نے پوچھ تاچھ کی
لازوال ڈیسک
کلکتہ ؍؍انتخابی مہم کے درمیان تشدد آمیز تقریر کرنے کے معاملے میں کلکتہ پولس نے فلم اداکار متھن چکرورتی سے ورچوئل پوچھ تاچھ کی ہے۔شمالی کلکتہ کے مانک تلہ پولیس اسٹیشن کے افسران نے صبح 10 بج کر 10 منٹ پر اداکار سے پوچھ گچھ شروع کی۔متھن چکرورتی اس وقت پونے میں ہیں۔کئی گھنٹے تک پوچھ تاچھ جاری رہے گی۔پولیس اسٹیشن میں درج ایک ایف آئی آر میں یہ الزام لگایا گیا ہے کہ اداکار نے انتخابی مہم کے دوران تقریر کرتے ہوئے کہا تھا کہ ایسے ماروں گا لاش بھی نہیں ملے گی۔شکایت کنندہ نے کہا کہ متھن چکرورتی کے بیانات سے ریاست میں تشدد جیسے حالات پیدا ہوئے ہیں۔کلکتہ ہائی کورٹ نے چکرورتی کو ہدایت دی تھی کہ وہ ریاست کو اپنا ای میل ایڈریس فراہم کرے تاکہ پولس ویڈیو کے ذریعہ پوچھ تاچھ کرسکے۔متھن چکرورتی نے کلکتہ ہائی کورٹ میں اپیل کی تھی کہ ان کے خلاف ایف ا?ئی ا?ر کو رد کیا جائے۔متھن چکرورتی نے کہا تھا کہ انہوں نے فلمی ڈائیلاک بولے تھے اوروہ سب تفریحی جملے تھے۔اس کا مقصد تشدد بھڑکانا نہیں تھا۔
