معروف سماجی کارکن دلشاد قادری نے یوٹی انتظامیہ سے مغل روڈ کھولنے کی اپیل
سرفرازقادری
مینڈھر//معروف سماجی کارکن دلشاد قادری نے اپنے بیان میں کہا کہ کویڈ 19 کے معاملات میں روز بروز اضافہ ہوتا جارہا ہے۔ یہاں ضلع پونچھ میں صورتحال بگڑ رہی ہے۔ انتظامیہ اس بحران کو اس قدر سنجیدگی سے لے رہی ہے کہ مغل روڈ خانہ بدوشوں اور تجارت کے شعبے کے لئے کھولی جارہی ہے لیکن جس کی سب سے زیادہ ضرورت میڈیکل ایمرجنسی ہے ، اسے نظرانداز کیا جارہا ہے۔ ہمارا مطالبہ یہ تھا کہ میڈیکل ایمرجنسی کے لئے مغل روڈ کھولیں باقی چیزیں انتظار کر سکتی ہیں۔ قادری نے مزید کہا کہ زندگی تجارت اور پیسہ سے زیادہ اہم ہے۔ مغل روڈ ان مشکل وقتوں کے دوران پیر پنچال خطے کی زندگی ہے۔ میڈیکل ایمرجنسی کے لیینہیں بلکہ تجارت کے لیے کھولنا پیر پنجال کی طرف متعصبانہ طریقہ ہے۔ پیر پنجال کے صحت کے انفراسٹرکچر کو مدنظر رکھتے ہوئے ، کویڈ کے معاملات میں اضافہ ، مغل روڈ پر اہم نظر کرکے مریضوں کے سفر کو پریشانی سے پاک بنایا جائے۔ انہوں نے ایل جی گورنر سے مطالبہ کیا کہ جلد سے جلد میڈیکل ایمرجنسی کے لئے مغل روڈ کھولیں تاکہ خطہ کی عوام کو مزید پریشانیوں کا سفر ناکرنا پڑے۔
