فوج میں شامل ہونے کے مختلف مراحل کے متعلق نوجوانوں کو جانکاری فراہم کی گئی
لازوال ڈیسک
راجوری//کالیدھار بریگیڈ کے زیراہتمام ، جموں و کشمیر کے نوجوانوں کو انڈین آرمی میں شامل ہونے کے لئے تیار کرنے کے لئے چار ہفتوں تک تربیتی کیپسول کا انعقاد کیا گیا۔ تربیت کا مقصد ایک منظم کیڈر فراہم کرنا تھا جس کے تحت منتخب افراد کو مشترکہ داخلہ امتحان (سی ای ای) کو پاس کرنے اور ہندوستانی فوج میں مزید داخلہ لینے میں ان کی مدد کے لئے ضروری رہنما خطوط اور ایک جامع تربیت فراہم کی جاتی ہے۔ یہ تربیت 29 مارچ 2021 سے 19 اپریل 2021 تک ملٹری اسٹیشن سندربنی راجوری میں کی گئی۔ وہیں مجموعی طور پر 26 امیدواروں نے حصہ لیا۔جنہوں نے اے آر او جموں سے اپنے۔ وہیں امیدواروں کو اعتماد کے ساتھ امتحان کا سامنا کرنے کے لئے سیشن اور ہفتہ وار ٹیسٹ کے دوران مناسب نصاب کی بنیاد پر تربیت دی گئی۔ اس تربیت سے نہ صرف افراد کو سی ای ای پاس کرنے میں مدد ملے گی بلکہ اس نے یہ پیغام بھی دیا ہے کہ ہندوستانی فوج پورے ملک کو حب الوطنی کے ایک دھاگے میں جکڑنے کے لئے متحد قوت ہے۔وہیں مقامی آبادی اور شہری انتظامیہ نے جموں و کشمیر کے نوجوانوں کو بھارتی فوج میں شامل ہونے میں مدد فراہم کرنے کے لئے بھارتی فوج کی تربیت کا آغاز کرنے کی کوششوں کو بے حد سراہا۔
