سرپنچ پنچائت درمن اور مقامی عوام نے این ایچ پی سی کے اقدامات کی سراہنا کی
حافظ قریشی
کٹھوعہ؍؍این ایچ پی سی کے سیوہ دوم پاور اسٹیشن ماشکا نے اپنی سی ایس آر ذمہ داریوں کے تحت ضلع کٹھوعہ کی درمن پنچائت میں رین شیلٹر ؍بس اسٹاپ تعمیر کئے اور بسوہلی سب ڈویژن کی کھڈی پنچائت میں کمیونٹی ہال کے ساتھ ساتھ بیت الخلاء کمپلکس بھی تعمیر کیا ۔وہیں دس لاکھ روپئے کی لاگت سے تعمیر ان پروجیکٹوں کو پاور اسٹیشن کے جنرل منیجر انچارج بیدی رام نے سرپنچ پنچائت درمن مدھو بالا اور این ایچ پی سی کے سینئر افسران کی موجودگی میںعوام کے نام کیا ۔ اس موقع پر سرپنچ موصوفہ نے این ایچ پی سی کی جانب سے اٹھائے گئے اقدامات کی سراہنا کی ۔انہوں نے کہاکہ2008ئ سے اس کام کیلئے ہم جد و جہد کر رہے تھے لیکن نہیں کرواپائے اور بالآخر این ایچ پی سی نے کیا۔وہیں جنرل منیجر نے عوام کی جانب سے ادا کردہ تعاون کیلئے شکریہ ادا کیا اور کہا کہ اسٹیشن کی جانب سے ایسی سرگرمیاں جاری رہیں گی۔
