مریضوں کا طبی معائنہ کر کے مفت ادویات تقسیم کیں
لازوال ڈیسک
جموں// سی آر پی ایف کی 160بٹالین کی جانب سے نیو ٹرانزٹ کیمپ سی آر پی ایف چھنی راما جموں کے نزدیک سوکس ایکشن پروگرام کے تحت ایک طبی کیمپ کا انعقاد کیا گیا۔اس موقع پر ڈاکٹروں کی ایک ٹیم نے کمانڈنٹ 160 بٹالین کے ڈی جوشی کی قیادت میں مریضوں کا طبی معائنہ کر کے مفت ادویات تقسیم کیں۔ وہیں کیمپ میں ڈاکٹر ایس ایل فوترہ اور دیگر افسران نے شرکت کی۔واضح رہے سی آر پی ایف کی جانب سوکس ایکشن پروگرام کے تحت مختلف علاقوں میں مفت طبی کیمپوں کا انعقاد کیا جا رہا ہے۔اس موقع پر طبی کیمپ میں مفت ادویات کی تقسیم کے ساتھ ساتھ مستحقین میں دیگر ضروری اشیاء بھی تقسیم کی گئں۔وہیں سی آر پی ایف کی جانب سے طبی کیمپ کا انعقاد کرنے پر عوام نے سراہنا کی۔
