گھر گھر تلاشی ۔لوگوں کی شناختی پریڈ کروائی گئی
سرینگر؍؍سمبل بانڈ ی پورہ میں فورسز کی طرف سے عمل میں لا یا گیا کارڈن اینڈ سرچ آ پریشن پرامن طور اختتا م پذیر ہوا۔ سی این ایس کے مطابق قصبہ سمبل کے وانی محلہ ، شاہ محلہ اور مین بازار کا منگل کی علی الصبح فورسزنے اْس وقت محاصرہ شروع کیا جب ان کو وہاں مشکوک نقل وحر کت کی اطلاع موصول ہوئی ہے۔فورسز نے تمام محلہ جات کو محاصرے میں لے کر گھر گھر تلاشی شروع کی ہے۔اس موقعہ پر گھر گھر تلاشی لی گئی اور کئی جگہوں پر راہ چلتے لوگوں کو روکا اور انہیں قطاروں میں کھڑا کرکے ان کی شناختی پریڈ کروائی۔ حا جن اور نائد کھئے سے آ نے والے ٹریفک کو متبا دل راستے سے موڑ دیا تاہم کسی بھی شخص کی گرفتاری عمل میں نہیں لائی گئی۔یہ سلسلہ دو پہرتک جاری رہا ۔ بعد میں یہ تلاشی آ پریشن پرامن طور اختتا م پذ یر ہوا ہے۔
