ایک پوزیشن 45طلباءنے اپنی نمایاں قابلیت کا مظاہرہ کیا
عمرارشدملک
راجوری//راجوری کے معروف تعلیمی ادارے مسلم انسٹی چوٹ آف ایجوکیشن ہائراسکنڈری اسکول فتح پور کے طلباءنے دسویں جماعت کے بورڈ امتحان میں نمایاں کارکردگی کا مظاہرہ کیا ہے جس پر سکول انتظامیہ نے والدین کو مبارکبادپیش کی ہے۔ واضح رہے کہ ادارہ ہذاکے ایک طالب علم قمر شکیل ولد شکیل احمد نے پوزیشن حاصل کی ہے جبکہ دیگر 45طلباءنے نمایاں قابلیت کا مظاہرہ بھی کیا ہے ۔ اس معاملے میں اسکول احاطے میں انتظامیہ نے خوشی کا اظہار کرتے ہوئے بچوں میں مٹھایاں تقسیم کی اور کامیاب طلباءکو مبارکباد بھی دی گئی۔ وہیں مقامی لوگوں اور علاقے کے معززین نے مسلم انسٹچوٹ آف ایجوکیشن ہائراسکنڈری اسکول فتح پور کے اساتذہ اور اسکول انتظامیہ کو مبارکبادپیش کرتے ہوئے کہا کہ راجوری قصبے کا واحد ادارہ ہے جہاں پر طلباءکی دینی تربیت سمیت عصری علوم پر خصوصی توجہ دی جاتی ہے جو مذکورہ اسکول کی خصوصیات میں شامل ہے۔ اس موقعہ پر اسکول انتظامیہ نے دسویں جماعت کے بورڈ امتحان میں بہترین کارکردگی کا مظاہرہ کرنے والے طلباءاور ان کے والدین کو مبارکباد دی ہے۔
