معرفت امام انسان کے لئے بہت ضروری ہے :مولانا شیخ منظور احمد
ظہیر عباس
منڈی// ہر سال کی طرح امسال بھی انجمن تنظیم المومنین بہ اشتراک خاتم الانبیا± لائبریری منڈی کی جانب سے نیمہ شعبان یعنی ولادت با سعادت حضرت امام عصر علیہ السلام پر بعد نماز ظہر محفل نور منعقد کی گئی جس میں ضلع پونچھ کے معروف شعراءکرام نے انتظامیہ کی جانب سے دئے گئے طرحی مصرعہ روشنی پھوٹےگی کعبہ کی درودیوار سے پر لکھے گئے اشعار پیش کر کے خوب داد و تحسین حاصل کی۔ محفل کے دوران کشمیر سے تشریف فرما عالم دین حجت الااسلام مولانا شیخ منظور احمد بڈگامی نے خطاب کرتے ہوئے امام آخر زمان (ع) کی ولادت باسعادت کے حوالے مفصل گفتگو فرمائی ۔ انہوں نے کہا کہ معرفت امام انسان کے لئے بہت ضروری ہے کیونکہ جو شخص وقت کے امام کو بغیر پہچانے مرے وہ جہالت کی موت مرتا ہے – انہوں نے کہا کہ ہم انسانوں میں صلاحیت نہیں ہے یہی وجہ ہے کہ امام ظہور نہیں فرما پا رہے ہیں – انہوں نے کہا کہ امام چراغِ ہدایت ہیں انسان میں کمی ہے جو ان سے روشنی حاصل نہیں کرتے ہیں – اس محفل کے دوران سجاد پونچھی, نزیر بھٹی, محتشم احتشام, شبیہ الحسن قیصر,ابرار نقوی, محمد جعفر,شاہد رضا , وسیم جعفر نے طرحی مصرع پر اشعار پیش کئے – آخر پر ناظمِ محفل نے صدر تنظیم المومنین منڈی قاسم علی باگن کی جانب سے تمام شعراء اور وادی کشمیر سے تشریف لائے عالم دین کا شکریہ ادا کیا –
