بالی ووڈ کی ہستیاں اور ملک کے کئی شعراء کریں گے شرکت :منیر الاسلام
لازوال ڈیسک
جموں؍؍ جموں و کشمیراکادمی برائے فن ، ثقافت اور لسانیات ریڈیو مرچی کے اشتراک 27اور28؍ جنوری وک گرامئی دارالخلافہ میں 72ویں یوم جمہوریہ کے ایک حصے کے طور پر بڑے پیمانے پر دو روزہ منعقد کر رہا ہے۔ اِس پروگرام میں ملک کے معروف ہندی اور اُردو زبانوں سے تعلق والے شعرأ کے علاوہ بالی ووڈ کے معروف گیت کار اورمصنفین شرکت کریںگے۔اِن باتوں کا اِظہار سیکرٹری جموں و کشمیر اکادمی برائے فن ، ثقافت اور لسانیات منیر الاسلام نے آج یہاں پریس کانفرنس سے خطاب کرتے ہوئے کیا۔تفصیلات کے مطابق 27 اور 28 جنوری کو جموں و کشمیر کی سرمائی راجدھانی جموں میں ریڈیو مرچی اور جموں وکشمیر اکیڈمی آف آرٹ کلچر اینڈ لنگویجز کے اشتراک سے بھارت کے 72 ویں یوم جمہوریہ کے موقع پر دو روزہ مشاعرے ؍کو ی سمیلن کا انعقاد کیا جا رہا ہے جس میںملک کے اعلی ہندی اور اردو شعرا ، بالی ووڈ کے گیت نگار اور مصنف شرکت کر رہے ہیں ۔اس سلسلے میں سکریٹری جموں و کشمیر اکیڈمی آف آرٹ ، کلچر اینڈ لنگویجز منیر الاسلام نے کہا کہ اس تقریب کا انعقاد جموں یونیورسٹی کے زورآور سنگھ آڈیٹوریم کیا جائے گا جہاںجموں و کشمیر یونین ٹیریٹری کی کئی اعلیٰ شخصیات کی شرکت کی توقع کی جارہی ہے کہ وہ اپنی نوعیت کے اس پہلے قومی پروگرام میں شریک ہوں گے۔انہوں نے کہا کہ جموں و کشمیر کے لیفٹیننٹ گورنرمنوج سنہا 27 جنوری کو سہ پہر 3:30 بجے تقریب میں بطور مہمان خصوصی شرکت کریں گے۔انہوں نے کہا کہ ہم ان تقاریب میں جموں و کشمیر کے نوجوانوں کو پلیٹ فارم بھی فراہم کر رہے ہیں ۔ انہوں نے مزید کہا کہ ریڈیو مرچی نے اس سلسلے میں شاعری مقابلے کا انعقاد کیا ہے جس کیلئے جموں و کشمیر کے نوجوانوں سے 450 اندراجات موصول ہوئے تھے اور اس ضمن میں اردو اور ہندی سے تعلق رکھنے والے 10 نوجوان شاعروں کو اس تقریب کیلئے منتخب کیا گیا ہے تاکہ وہ تقریب کے دوران اپنی شاعری پیش کر سکیں اور سینئر شعرا کے ساتھ بات چیت کرسکیں۔انہوں نے کہا کہ اس سال ہم نے اس قومی تقریب میں نوجوان شاعروں کو شامل کیا ہے جن کی شاعرانہ تخلیقات ریڈیو مرچی کی مدد سے منعقدہ مقابلے میں بہترین قرار دی گئیں۔موصوف نے کہاکہ 27 جنوری کو آل انڈیا مشاعرے میں اپنی پیش کش کرنے والے معروف شعراء میں وسیم بریلوی ، منظر بوبالی ، نواز دیوبندی ، کنور جاوید ، خوشبو شرما ، انا دہلوی ، پریتپال سنگھ بیتاب ، بلراج بخشی ، ڈاکٹرلیاقت جعفری ، ڈاکٹر شفق سوپوری ، ڈاکٹر نذیر آزاد ، رخسانہ جبین شرکت کریں گے ۔انہوںنے مزید کہاکہ اس تقریب میں نوجوان شاعروںکنچن ، مدیما ، زاہد ، روہت ورما سوشانت ، محمد اکرم ، باسط ایوب ، مہک ، عمیر اُمی اور ، یامین کشمیری حصہ لے رہے ہیں۔انہوں نے کہاکہ 28 جنوری کو ہونے والے کوی سمیلن میں سنیل جوگی ، جگدیش سولنکی ، سودیپ بھولا ، ششی کانت یادو اوروشنو سکسینا بھی حصہ لیں گے۔اُن کے ہمراہ چیف ایڈیٹر محمد اشرف ٹاک ، ڈاکٹر جاوید راہی اور ڈاکٹر مرزا فاروق انور بھی تھے۔
