ضلع انتظامیہ سے لوگوں تک ہر ممکن سہولیات پہنچانے رہے پیش پیش:خالد کرمانی
ریاض ملک
منڈی؍؍پیر پنجال عوامی ڈویلپمنٹ فرنٹ کے ضلع صدر خالد کرمانی نے ضلع انتظامیہ سے اپیل کی ہے کہ موجودہ برف باری کے پیش نظر دوردراز علاقوں میں لوگوں کو مختلف دقتوں کا سامنا ہوسکتا ہے۔جس کے لئے انتظامیہ ہر ممکن کوشش کرہے۔انہوں نے کہا کہ منڈی اور سرنکوٹ کے بالائی علاقوں میں برف باری کا سلسلہ جاری ہے۔جس سے لوگوں کو مختلف دقتوں کا سامنا ہے۔ بجلی کی سپلائی اور راشن سٹوروں پر راشن کی دستیابی کو یقینی بنایا جائے۔انہوں نے رابطہ سڑکوں سیجلد از جلد برف ہٹانے کی اپیل کی تاکہ عوام کو کسی پریشانی کا سامنا نہ کرنا پڑھے۔انہوں نے اپیل کی کہ دور دراز کے ہیلتھ سینٹروں میں ادویات کی سپلائی کو یقینی بنایا جائے تاکہ کسی بھی ناخوشگوار واقعہ کے پیش نظر لوگوں کوجلد از جلد فرسٹ ایڈ مل پائے۔کرمانی نے لوگوں سے اپیل کی کہ بنا ضرورت کہ گھروں سے باہر نہ نکلیں اور غیر ضروری سفر سے گریز کریں۔ اگر کسی کو کسی قسم کی کوئی پریشانی ہو تو وہ بلا جھجک ہم سے رابطہ کر سکتا ہے۔
