قومی سطح پر صلاحیت اجاگر کریں گے منتخب نوجوان
اعجازالحق بخاری
پونچھ ؍؍ جموں و کشمیر یوٹی سطح کے کلا اتسف پروگرام میں ضلع پونچھ کے تین نوجوانوں نے اعلیٰ مقام حاصل کیا ہے جن میں دو نے پہلا مقام اور ایک نے دوسرا مقام حاصل کیا ہے ۔ تفصیلات کے مطابق ڈانس میں رودرنش سدن اور حسنین کاظمی نے مصوری میں ریاستی سطح پر پہلا مقام حاصل کیا ہے ۔ جبکہ سید عمر نے میوزک میں دوسرا مقام حاصل کرکے پیر پنجال کا نام روشن کیا ہے ۔ اس تقریب کی صدارت ڈرائکٹر اسکول ایجوکیشن انورادھاگپتااور ایس پی ڈی سماگرہ ارون منہاس کررہے تھے ۔ واضح رہے ان طلباء نے ضلعی سطح پر کامیابی حاصل کرنے کے بعد ریاستی سطح پر اپنا اعلیٰ مقام بنایا ہے ۔ ان نوجوانوں کی کلاں کو سدھارنے کا کام نوڈل افیسر انجم شاہین کررہی تھیں ۔ پہلا مقام حاصل کرنے والے دو منتخب نوجوانوں کو اب قومی سطح پراپنی صلاحیتوں کو اجاگر کرنے کا موقعہ ملے گا ۔
