غلطی سے سرحدعبورکی تھی،ذہنی طوربھی کمزورتھا
ناظم علی خان
مینڈھر؍؍22اپر یل کو سرحدی علاقہ بالاکوٹ سے ایک 12 سالہ بچہ سرحد عبورکرکے اندر آگیا تھا جس کو مقامی فوج نے اپنی تحویل میں لے کر پولیس تھانہ مینڈھر کے حوالے کیا تھا اورسوشل میڈیا پر خبریں آنے کے بعد محمد زاہد ولد محمد عارف سکنہ نکیال کے لواحقین نے بھی حکومتوں سے اپیل کی تھی کہ ہمارے بچے کو فوری طور واپس کیا جائے جس کے بعد انتظامیہ نے بدھوار کے روز محمد زاہد کو چکاداباغ سے پاکستانی فو ج کے حوالے کیا جبکہ مینڈھر پولیس تھانہ کے سب انسپکٹر محمد شوکت خان پولیس نفری کے ساتھ محمد زاہد کو مینڈھر سے پونچھ لے کر گئے جنھوں نے تین بج کر بیس منٹ پر زاہد کو فوج کی موجودگی میں پاکستانی فوج کے حوالے کیا اس موقعہ پر دونوں اطراف سے سیول انتظامیہ بھی موجود تھی۔البتہ بارہ سالہ محمد زاہدجب سے مینڈھر تھانے میں تھا تڑپ تڑپ کر واپس جانے کے لئے پکار رہا تھا کہ مجھے واپس بھیجا جائے کیونکہ وہ ذہنی طور بھی ٹھیک نہیں تھا جس کی اطلاع اس کے گھروالوں نے بھی سوشل میڈیا پر دی جس کو دیکھتے ہوئے ضلع انتظامیہ نے فوری طور اس کو واپس بھیجنے کا فیصلہ لیا۔
