پاور اسٹیشن ہیڈ این رام نے اسٹیشن کے امور کے متعلق جانکاری فراہم کی
لازوال ڈیسک
جموں؍؍این ایچ پی سی کے ریجنل آفس کے سربراہ راجن کمار نے سلال پاور اسٹیشن کا دورہ کیا۔ وہیں پاور اسٹیشن کے سربراہ این رام نے ان کا استقبال کرتے ہوئے ان کے دورے کو پن بجلی پروجیکٹ کے لئے بہت اہم قرار دیا۔ اس موقع پر ، راجن کمار نے پاور اسٹیشن کے رہائشی کمپلیکس میں نئے تیار کردہ ’ہربل پارک‘ کا افتتاح کیا اور مذکورہ پارک میں پودا بھی لگایا ۔ انہوں نے درختوں اور پودوں کو تمام جانوروں کے لئے زندگی دینے والے قرار دیا۔ اس کے علاوہ سلال پاور اسٹیشن کے سربراہ این رام اور ان کی اہلیہ پش پالتا اور دیگر اعلی افسران نے بھی جڑی بوٹیوں کے پودے لگائے ۔اس کے بعد ہیڈ ریجنل آفس نے جاری بحالی کے کام کا جائزہ لینے ڈیم اور پاور ہاؤس کمپلیکس کا بھی دورہ کیا۔ اس موقع پر پاور اسٹیشن چیف نے سلال پاور اسٹیشن کو حاصل کیے جانے والے اہداف کے بارے میں آگاہ کیا اور کہا کہ جولائی کے مہینے میں پاور اسٹیشن نے مجموعی طور پر 532.72 ملین یونٹ ریکارڈ بجلی تیار کی۔ اس کے علاوہ پچھلے سال ’بیسٹ پاور اسٹیشن’ ، راجبھاشا شیلڈ کا پہلا اور 3 بار بہترین پی آر پرفارمر ایوارڈ بھی جیتا ہے۔
