نئی دہلی؍؍صدر جمہوریہ رام ناتھ کووند نے مرکزی وزیر تعلیم ڈاکٹر رمیش پوکھریال نشنک کے ذریعہ مہرشی اروند پر لکھی کتاب ‘مانوتا کے پرنیتا:مہرشی اروند’’ کا ہفتے کو راشٹرپتی بھون میں اجرا کیا۔ڈاکٹر نشنک نے کتاب کی پہلی کاپی صدر کو تحفہ میں دی۔اس موقع پر وزیرتعلیم نے کہا کہ مہرشی اروند ہندوستانی ثقافت،اقدار اور سناتن دھرم کے لئے پوری طرح سے مختص تھے ۔وہ ہندوستان کی انوکھا قابلیت پہچانتے تھے اور ملک کے ہر عوام کو اس سے مطلع کرانا چاہتے تھے ۔انہوں نے کہا،‘‘مہرشی اروند کی سماجی اور سیاسی موضوع پر گہری پکڑ اور شعورکی ترقی کی ان کی غیر معمولی سمجھ کا میں ہمیشہ قائل رہا ہوں۔وہ ہندوستان کی آزادی کی تحریک میں 1905 سے 1910 تک صرف پانچ سال رہے اور اتنی کم مدت میں ملک کے عوام کو اتنا قابل بنا دیا کہ وہ اپنی حقیقی ہستی کو پہچان سکیں اور اپنے ماضی کے کھوئے ہوئے وقار اور عزت کو پھر سے پا سکیں۔’’اس کتاب میں مرہشی اروند کی زندگی کا سفر،ان کے شعوع،مکمل یوگ اور زندگی کی جدوجہد کو ایک ہی مقام پر آسان زبان میں بتایا گیا ہے ۔کتاب میں یہ بتانے کی کوشش کی گئی ہے کہ کس طرح ہندوستان کو روحانی طورپر ایک کرنے کے لئے مہرشی اروند نے وید اور اپنیشد کا سہارا لیا اور ہندوستانی تعلیم کی روایت کی سمت کو دنیا بھر میں پھیلایا تاکہ ہندوستانی اپنے علم کے تئیں فخر محسوس کر سکیں۔ڈاکٹر نشنک نے کہا،‘‘میرا خیال ہے کہ نئے ہندوستان کی ذمہ داری ہمارے نوجوانوں کی طاقت پر منحصر ہے ۔میرا خیال ہے کہ جناب اروند کے یوگ کی انوکھی قسم، علم کے راستے کا اختصار ،بھکتی پر،کرم پر ان کا الگ نظریہ انہیں بھگوان بدھ ،مہاویر،رام کرشن جیسی روحوں کی فہرست میں کھڑا کردیتا ہے ۔
