نئی دہلی، یکم نومبر( یواین آئی) یومیہ استعمال ہونے والی متعدد اشیا کی قیمتوں میں بے تحاشا اضافہ کی وجہ سے لوگوں کے باورچی خانے کا بجٹ درہم برہم ہو چکا ہے ، لیکن اس سے کچھ راحت ہے کہ نومبر میں ایل پی جی کی قیمتوں میں ایک بار پھر اضافہ نہیں ہوا ہے۔ انڈین آئل سمیت کسی بھی سرکاری تیل کمپنی نے نومبر میں 14.2 کلووالے سبسڈی ایل پی جی سلنڈر کی قیمت میں کوئی تبدیلی نہ کرنے کا فیصلہ کیا ہے۔
کمپنیوں نے چار بڑے میٹرو میں 19 کلوگرام والے کمرشل سلنڈروں کی قیمتوں میں 78 روپے تک کا اضافہ کیا ہے۔
سرکاری تیل کمپنیوں نے آخری بار جولائی میں 14.2 کلو گھریلو سلنڈر کی قیمت میں 4 روپے کا اضافہ کیا تھا۔
دہلی میں 14.2 کلو والے سبسڈی گیس سلنڈر 594 روپے کا ہوگا۔ ممبئی میں بھی اس کی قیمت اتنی ہی ہے جبکہ چار بڑے میٹروز میں سے کولکاتہ میں سب سے زیادہ 620.50 روپے کا ہے۔
14.2 کلو گرام گھریلو استعمال والے رسوئی گیس سلنڈر کی قیمتیں چار بڑے شہروں میں مندرجہ ذیل ہیں:
دہلی: 594.00
کولکتہ: 620.50
ممبئی: 594.00
چنئی:
610.00
19 کلوگرام والے کمرشل گیس سلنڈر کی قیمت :
دہلی: 1241.50
کولکاتہ: 1296.00
ممبئی: 1189.50
چنئی: 1354.00
