نئی دہلی، (یو این آئی) ملک بھر میں گذشتہ 24 گھنٹوں کے دوران 78399 کورونا متاثرہ افراد کی شفایاب ہونے سے قومی اوسط ری کوری کی شرح 77.88 فیصد ہوگئی ہے۔
صحت اور خاندانی بہبود کی مرکزی وزارت کے اتوار کو جاری کردہ اعداد و شمار کے مطابق گذشتہ 24 گھنٹوں کے دوران کورونا سے متاثرہ 78399 افراد صحت مند ہوچکے ہیں، جس نے اب تک کورونا انفیکشن کو شکست دینے والے افراد کی تعداد بڑھا کر 3702595 ہوگئی ہے۔
وزارت نے آج بتایا کہ گذشتہ 24 گھنٹوں کے دوران کورونا انفیکشن سے نجات پانے والے لوگوں میں سے 58 فیصد افراد ملک کی پانچ ریاستوں مہاراشٹرا (17.2 فیصد)، تمل ناڈو (13.1 فیصد)، آندھرا پردیش (12.2 فیصد)، کرناٹک (7.9 فیصد) اور اترپردیش (7.8 فیصد) کے ہیں۔
سرکاری اعدادوشمار کے مطابق 12 ستمبر کو مہاراشٹر کے 13489، آندھرا پردیش کے 10292، کرناٹک کے 9557، تمل ناڈو کے 6227، اوڈیشہ کے 3217، دہلی کے 3141، مغربی بنگال کے 3042، تلنگانہ 2603، آسام کے 2556، ہریانہ کے 2188 اور بہار کے 2041 افراد شامل ہیں۔
سرکاری اعداد و شمار کے مطابق روی کوری کی شرح کے معاملے میں بہار سب سے آگے ہے۔ بہار میں ری کوری کی شرح 90 فیصد ہے۔ اس کے علاوہ تامل ناڈو میں ری کوری کی شرح 89 فیصد، مغربی بنگال میں 86 فیصد، دہلی میں 85 فیصد، راجستھان میں 83 فیصد، گجرات میں 83 فیصد اور آندھرا پردیش میں 82 فیصد ہے۔
ان کے علاوہ تلنگانہ میں ری کوری کی شرح 79 فیصد، ہریانہ میں 78 فیصد، اڈیشہ میں 78 فیصد، اترپردیش میں 76 فیصد، کرناٹک میں 76 فیصد، مدھیہ پردیش میں 75 فیصد، جھارکھنڈ میں 75 فیصد، کیرالا، پنجاب میں 72 فیصد، مہاراشٹر 70 فیصد ، جموں وکشمیر 67 فیصد اور چھتیس گڑھ میں 45 فیصد ہے۔
پچھلے 24 گھنٹوں میں کورونا انفیکشن کے 94372 معاملات سامنے آنے سے اب تک وائرس کا شکار ہونے والے افراد کی تعداد بڑھ کر 4754356 ہوگئی ہے جبکہ 12 ستمبر کو 78399 متاثرہ مریضوں کے کورونا سے نجات پانے سے اور 1114 مریض کی موت سے انفیکشن کے فعال معاملوں میں 14،859 کی تیزی آئی ہے۔ اس وقت پورے ملک میں 973175 کورونا انفیکشن کے فعال معاملے ہیں۔
وزارت کے مطابق پچھلے 24 گھنٹوں کے دوران انفیکشن کے نئے معاملوں میں سے 57 فیصد معاملے ملک کی پانچ ریاستوں مہاراشٹر (23.40 فیصد)، آندھرا پردیش (10.49 فیصد)، (کرناٹک 9.69 فیصد)، اتر پردیش (7.19 فیصد) اور تمل ناڈو (5.82 فیصد) کے ہیں۔
انفیکشن کے کل فعال معاملات میں سے 60 فیصد معاملے ان پانچ ریاستوں کے ہیں۔
