بانہال // مدرسہ دارلعلوم صدیقیہ بڈگام ، ہنجہال ، بانہال کا سالانہ اجلاس منعقد ہوا اور جس میں مدرسہ کے دو حفاظ کی دستار بندی کی گئی۔ اس موقع مفکر اسلام اور امیر شریعت علامہ مفتی عبدالغنی ازہری مہمان خصوصی کے طور مدعو تھے۔ اس موقع پر مفتی عبدالغنی اذھری نے اپنے دست مبارک سے قران حکیم کو حفظ کرنے والے دو کم عمر حفاظ اکرام جاوید احمد ساکنہ گول، اعجازالحق ساکنہ گول کی دستار بندی کی گئی اور انہوں نے لوگوں کو اپنی رقعت آمیز نصیحتوں اور واعظ سے فیضیاب کیا۔ اس موقع پر موجود علما اکرام نے واعظ و نصیحت کے ذریعے اسلام اور نبی آخرالزمانؐ کے فرمان سے وہاں موجود سینکڑوں لوگوں کو مستفید کیا۔ مدرسہ دارلعلوم صدیقیہ کے مہتمم مولوی محمد یعقوب ربانی نے شرکت کرنے والے تمام لوگوں اور علما اکرام کا شکریہ ادا کیا ہے۔ اس موقع پر موجود علما میں سے مولانا لعل الدین راجوری ، مفتی اعجازالحسن بانڈے ،مولانا محمد یونس ، مولانا محمد اکرم جموں وغیرہ قابل ذکر تھے۔
