یواین آئی
نئی دہلی؍؍افغانستان میں دو سال قبل جنگجوئوں کے ذریعے اغوا سات ہندوستانی شہریوں میں سے مزید دو شہری رہا ہو کر آج ہندوستان پہنچ گئے۔حکومت ہند کو موصول اطلاعات کے مطابق ان دونوں کو 31 جولائی کو رہا کروایا گیا تھا۔ قبل ازیں چار شہری رہا کروائے جا چکے ہیں اور اب محض ایک ہندوستانی ہی جنگجوئوں کی گرفت میں ہے۔ مئی 2018 میں سات ہندوستانی شہریوں کا اغوا ہو گیا تھا۔حکومت ہند نے ان کی محفوظ رہائی کے لیے افغان حکومت کو ان کے بہ ضابطہ تعاون کے لیے شکریہ ادا کیا ہے۔
