فوجی سطح پر11 گھنٹے تک چلی پانچویں مرحلے کی بات چیت ہاں اور نہیں کے درمیان ختم
لازوال ڈیسک
نئی دہلی؍؍ہند ۔چین کے درمیان دہائیوں سے حل طلب سرحدی تنازعہ کے دونوں ممالک کے درمیان شروع ہوئی تازہ کشیدگی اور تنائو تاحال ختم نہیں ہوا ،کیوں کہ دونوں ممالک کے درمیان فوجی سطح پر ہوئے پانچویں مرحلے کے مکالمے کا نتیجہ بھی ہاں اور نہیں کے بیچ میں ختم ہوا ۔ہند وستان اور چین کے درمیان جاری سرحدی کشیدگی اور تنائو کو ختم کرنے کیلئے فوجی سطح پر مکالمے کا سلسلہ ہنوز جاری ہے ۔میڈیا رپورٹس کے مطابق دونوں ممالک کی افواج کے درمیان کشیدگی ختم کرنے کو لے کر اتوار کو ایک بار پھر سے پانچویں مرحلے کی کمانڈر سطح کی بات چیت ہوئی۔میڈیا رپورٹس کے مطابق دونوں ممالک کے درمیان فوجی سطح کی بات چیت صبح 11 بجے سے رات کے تقریبا10 بجے تک جاری رہی ۔میڈیا رپورٹس کے مطابق تقریبا11 گھنٹے تک چلی اس میٹنگ میں ہندستان کی طرف سے لیہہ میںواقع14 کور کے کمانڈر لیفٹیننٹ جنرل ہریندر سنگھ تھے، جبکہ چین کی قیادت جنوبی شنجیانگ فوجی علاقہ کے کمانڈر، میجرل جنرل لیو لن نے کی۔میڈیا رپورٹس میں ذرائع کا حوالہ دیتے ہوئے رپورٹ میں بتایا گیا ہے کہ اس بات چیت کے بعد ہندستان نے چین کو ایک بار پھر سے دو ٹوک لفظوں میں ایل اے سی کے کشیدگی والے سارے علاقوں سے پیچھے ہٹنے کو کہا ہے۔میڈیا رپورٹس کے مطابق بات چیت کے دوران ہندستان نے پینگونگ سو اور مشرقی لداخ میں ایل اے سی کے پاس ٹکراو والے سبھی جگہوں سے چینی فوجیوں کو جلد سے جلد پوری طرح سے ہیچھے ہٹنے کو لے کر زور ڈالا۔میڈیا رپورٹس کے مطابق ہندستان کی طرف سے ایک بار پھر سے کہا گیا ہے کہ پانچ مئی سے پہلے والی صورت حال فوری طور پر بحال کی جائے۔میڈیا رپورٹس کے مطابق چینی فوج گلوان وادی اور ٹکراو والے کچھ دیگر مقامات سے پہلے ہی پیچھے ہٹ چکی ہے۔ لیکن ہندستان کی مانگ کے مطابق، پینگونگ سو میں فنگر علاقوں سے فوجیوں کو واپس بلانے کا عمل ابھی شروع نہیں ہوا ہے۔
