تبلیغی جماعت میں شامل ہونے والے غیر ملکیوں نے ویزا قوانین کی خلاف ورزی کی
یواین آئی
نئی دہلی؍؍مرکز نے تمام ریاستوں اورمرکز کے زیر انتظام خطوں سے کہا ہے کہ تبلیغی جماعتوں کے ملک کے مختلف حصوں میں جا کر لوگوں سے ملنے کی وجہ سے کورونا وائرس (کووڈ۔19) کے انفیکشن کو روکنے کی کوششوں کو ٹھیس لگ سکتی ہے اس لئے ان کا پتہ لگانے کے لئے جنگی سطح پر مہم شروع کی جانی چاہئے .۔ کابینی سکریٹری راجیو گوبا نے تمام ریاستوں کے چیف سکریٹریوں اور پولیس کے ڈائرکٹر جنرلوں کے ساتھ آج یہاں ویڈیو کانفرنس کے ذریعے کرونا وائرس کے انفیکشن کی وجہ سے پیدا صورتحال کا جائزہ لیا۔ یہاں نظام الدین میں واقع تبلیغی مرکز میں ایک تقریب میں بڑی تعداد میں ملک اور بیرون ملک کے لوگوں کے حصہ لینے اور بعد ان میں سے بہت سے لوگوں کے مختلف ریاستوں میں جانے کے انکشاف کے معاملے کا ذکر کرتے ہوئے انہوں نے کہا کہ اس واقعے سے ملک میں کرونا وائرس سے نمٹنے کے لئے کی جانے والی کوششوں کو ٹھیس لگ سکتی ہے ۔ انہوں نے کہا کہ تمام ریاستوں کو ان تبلیغی جماعتوں کی شناخت کرکے ان سے ملنے والے لوگوں کا جنگی سطح پر پتہ لگانا ہو گا۔انہوں نے کہا کہ تبلیغی جماعت میں شامل ہونے والے غیر ملکیوں نے ویزا قوانین کی خلاف ورزی کی ہے ۔ریاستوں سے کہا گیا ہے کہ ویزا قوانین کی خلاف ورزی کرنے والے غیر ملکیوں اور تبلیغی جماعتوں کو منظم کرنے والوں کے خلاف کارروائی کا عمل شروع کریں۔کابینی سکریٹری نے ریاستوں سے کہا کہ وہ اگلے ہفتے تک وزیر اعظم غریب بہبود منصوبہ بندی کو لاگو کریں۔ اس کے تحت فائدہ اٹھانے والوں کو نقد رقم دی جائے گی اور یہ عمل اس طرح سے مکمل کی جانی چاہئے کہ باہمی سماجی فاصلے قائم رکھاجائے ۔اجلاس میں اس بات پر اطمینان کا اظہار کیا گیا کہ ملک بھر میں لاک ڈاؤن مؤثر طریقے سے لاگو کی جا رہی ہے ۔ ریاستوں سے کہا گیا کہ وہ ایک دوسرے کے یہاں سے مال کی ڈھلائی یقینی بنائیں لیکن اس میں بھی سوشل فاصلے بنائے رکھنے پر زور دے گا۔ انہوں نے کہا کہ ضروری اشیاء کی دستیابی کو یقینی بنایا جائے اور سپلائی چین کو کسی بھی صورت حال میں ٹوٹنے نہیں دیا جانا چاہئے ۔
