نئی دہلی کورونا وائرس کو کنٹرول کرنے کے لیے ملک میں لاک ڈاو ن کے حالات اور کئی ریاستوں میں کرفیو لگائے جانے کی وجہ سے پرائیویٹ ٹرانسپورٹ کمپنیوں کی سروس تقریبا ٹھپ ہو گئی ہے ، جس کا اثر اشیائے ضروریہکی سپلائی پر پڑنے لگا ہے ۔قومی دارالحکومت علاقہ میں بڑی کمپنیوں نے بریڈکی سپلائی ایک دن کے فرق پر کرنی شروع کر دی ہے ، جبکہ مقامی طور پر دستیاب کرائے جانے والے تازہ پنیر، ماویٰ اور کھوئے کی سپلائی میںرکاوٹ پیدا ہو گئی ہے ۔قومی دارالحکومت علاقہ میں پھل اور سبزیوں کی سپلائی کرنے والی مدرڈیری میں اپنے ‘ سپھل کیندروں’پر آج 330 ٹن پھل اور سبزیاں بھیجی ہے ۔کمپنی کے ترجمان نے بتایا کہ ’سپھل’ کے تین سو سے زائد خوردہ فروخت مراکز پر پھل اور سبزیاں بھیجی گئی ہیں۔ ‘سپھل’ اندور سے کیلے ، ناسک سے انگور اور ناگپور سے سنترے منگا رہا ہے ۔ مدر ڈیری اپنے 850 مراکز کے ذریعہ لوگوں کو دودھ فراہم کر رہا ہے ۔ٹرانسپورٹ کارپورے شن آف انڈیا (پی سی آئی)، ایسوسی ایٹ روڈ کیریئر (اے آر سی)، نارتھ ایسٹرن ? کیٹرنگ کارپورے شن، جے ماتا دی، کورئیر سروس دینے والی ڈی ٹی ڈی سی، ‘گتی’ اور‘ سیف’ کمپنیوں نے اپنی گاڑیوں کی سروس روک دی ہے اور ملازمین کو گھر بھیج دیا ہے ۔ان ٹرانسپورٹ کمپنیوں کے پاس اپنے اور کرایہ کے ہزاروں بڑی کمرشل گاڑیاں ہیں۔ جو گھریلو اشیا کے علاوہ پھلوں ، اناجوں اورادویات کو ایک مقام دوسرے مقام تک پہنچاتے ہیں۔ ان کمپنیوں کا کہنا ہے کہ ان کی کچھ گاڑیاں مختلف مقامات پر روک دی گی ہیں جن پر اشیائے ضروریہ بھری ہوئی ہے . ڈابر اور پتنجلی جیسی کمپنیاں نیپال سے ٹرک کے ذریعے مختلف اشیائکی نقل و حمل کراتی ہے جو اب رک گئی ہیں۔ پرائیویٹ ٹرانسپورٹ کمپنیاں کچھ مقامات پر پھل سبزیاں اور ددھ کی نقل و حمل میں مصروف ہے ۔ٹریفک کے ذرائع میں کمی کی وجہ سے قومی دارالحکومت علاقہ میں سبزیوں کی خوردہ قیمت بڑھنے لگی ہے اور کچھ مقامات پر اس کی بہت زیادہ قیمت لی جا رہی ہے ۔ زیادہ تر سبز سبزیاں خوردہ قیمت 60 سے 100 روپے فی کلوگرام ہو گئی ہے ۔ جبکہ پپیتا اور سنتری کی قیمت 40 سے 80 روپے فی کلو گرام فروخت ہورہاہے ۔
