لندن، (یو این آئی) انگلینڈ اور سری لنکا کے درمیان اگلے ہفتے سے ہونے والی دو میچوں کی ٹیسٹ سیریز کے لیے کورونا وائرس کی وجہ سے منسوخ کرنے کا فیصلہ کیا گیا ہے ۔انگلینڈ کرکٹ بورڈ (ای سی بی) اور سری لنکا کرکٹ بورڈ (ایس ایل سی ) نے آپس میں بات چیت کے بعد احتیاطا اسے ملتوی کرنے کا فیصلہ کیا۔ای سی بی نے کہا کہ یہ سیریز ملتوی کی گئی ہے اور اسے منسوخ نہیں کیا گیا اور انہیں پوری امید ہے کہ مستقبل میں دونوں ٹیموں کے درمیان یہ سیریز کھیلی جائے گی۔ای سی بی نے بیان جاری کر کے کہاکہ دنیا بھر میں پھیلے کورونا وائرس کی وجہ سے سری لنکا کرکٹ بورڈ سے بات چیت کرنے کے بعد ہم نے سری لنکا کے ساتھ ہونے والی ٹیسٹ سیریز کو فی الحال کے لئے ملتوی کرنے کا فیصلہ لیا اور ہم اپنے کھلاڑیوں کو واپس وطن بھیجیں گے ۔انہوں نے کہاکہ ہم سری لنکا کرکٹ کا ان حالات کو دیکھتے ہوئے ہماری حمایت کرنے پر شکریہ کرتے ہیں۔ہم مستقبل میں جلد ہی سری لنکا کے ساتھ یہ ٹیسٹ سیریز کھیلنے کے متمنی ہیں۔یو این آئی
