دوسرے اسکولوں کو ان استاتذہ سے سبق سیکھنا چاہیے،اسکول میں عملہ و کھیل کے میدان کی عدم دستیابی حیران کن: منوہر لال
لازوال ڈیسک
ڈوڈہ؍؍ضلع ڈوڈہ ایجوکیشن زون بھاگواہ کے اپرگاگلہ اپرپرایمری اسکول کے اسکول سٹاف کی جتنی تعریف کی جائے اتنا ہی کم ہے۔ یہاں پر طلبہ وطلبات کے والدین اسکول اسٹاف سے کافی خوش ہیں۔ اسکول میں کام کررہا اسٹاف بڑی محنت سے بچوں کی تعلیم، اسکول ڈسیپلن پر پورا دھیان رکھتاہے۔ جس سے یہاں کی عوام اس اسکول عملے سے کافی خوش ہے۔ اسی سلسلے میں سوشل ورکر نے دوسرے اسکول کے اساتذہ کو اس اسکول سٹاف سے سبق سیکھنے کی بات کی ہے۔ لیکن اس کے ساتھ ہی بھاگواہ کے گورنمنٹ اپر پرائیمری اسکول اپر گاگلہ کی اسکول عمارت ہروقت خطرے میں ہے سرکار کی طرف سے اسکول عمارت کو اگر تعمیر کرنے میں لاکھوں روپیے خرچ کیے لیکن کْچھ برس پہلے محکمہ پی ایم جی ایس وایی نے گاگلہ میں سڑک کٹائی کے دوران اپر پرایمری اسکول اپر گاگلہ کے دو باتھروموں کو ہی گرادیا۔ اور اسکے ساتھ ہی اسکول کے گرونڈ کو بھی نقصان پحونچایا۔ جس کی وجہ سے پچھلے کئی برسوں سے نہ تو محکمہ پی ایم جی ایس وایی نے اسکول کے باتھروم تیار کرکے دئیے اور نہ ہی اسکول عمارت کی حفاظت کے لیے برسٹوال ہی دی گئی۔ اسکول کے آس پاس بارشوں کے دوران اسکول کی زمین کھسکنے کا سلسلہ جاری رہتاہے اور اسکول کی عمارت کو گرنے کا بھی خطرہ ہے۔ میڈیاسے بات کرتے ہوے بابورام نے کہاکہ جلد ہی محکمہ پی ایم جی ایس وایی اسکول کے باتھروم اور برسٹوال دے دے۔ حالانکہ اسکول انظامیہ کی طرف سے یہ بھی کہا گیاکہ انہوں نے اس بارے میں محکمہ پی ایم جی ایس وائی کو درخواست دی ہوئی ہے۔مزید جانکاری کو حاصل کرنے کے لیے نمایندہ ’لازوال‘ نے جب محکمہ پی ایم جی ایس وائی کے جے ای سے فون پر پوچھا تو جے ائی نے جواب دیتے ہوئے کہاکہ وہ اب وہاں سے ٹرانسفر ہیں۔ جے ای نے کہا کہ انہوں نے معاوضے کے لیے لکھاہے۔جے ای نے مزید کہاکہ وہ اس مسئلے کو فون پر محکمہ پی ایم جی ایس وی کے اے ای ای سے بات کریں گے اور جلد ہی اسکول کی اس پریشانی کو حل کیا جائیگا۔ وہیں سوشل ورکر منوہرلال، بابورام نے اسکول میں کام کررہے اساتذہ ہیڈماسٹر جاوینت سنگھ، سنتوش سنگھ، کملیش دیوی، دیپک سنگھ، ایشرسنگھ، کو مبارک باد پیش کی ہیں اور اسکے ساتھ انہوں نے سرکار سے اسکول میں خالی پڑی دو جنرل لاین اساتذہ کی آسامیوں کوپْرکرنے کی گْزارش کی ہے۔
