کے ارکان نے اپنے دفتر میں ایک پروگرام کا اہتمام کیا
ونے شرما
اودھمپور؍؍ خواتین کے عالمی دن کے موقع پر این جی او کے ارکان ’جیو اور جین دو‘ نے اپنے دفتر میں ایک پروگرام کا اہتمام کیا جس میں انہیں معاشرے میں غیر معمولی تعاون کے باعث اعزاز سے نوازا گیا۔ اس تقریب میں موجود خواتین کی ایک بڑی تعداد نے دہلی میں ہونے والے فسادات کے اندوہناک واقعہ کے لئے پہلے ایک منٹ کی خاموشی اختیار کی اور پوری دنیا میں پھیلنے والی کورونا وائرس کی بیماری کے پھیلاؤ کو روکنے کے لئے دعا کی۔ معاشرے میں خواتین کو مناسب احترام دینے پر زور دیا گیا۔اس تنظیم کی نائب سکریٹری ثمینہ ناز نے بھی خواتین کو آگے بڑھنے کی ترغیب دی۔ تنظیم کی جانب سے ثمینہ ناز اور نیلم دیوی کو اعزاز سے نوازا گیا۔ تنظیم کے سربراہ طارق شاہ نے تمام شرکا کا شکریہ ادا کیا۔ اس موقع پر ، مسز چندر موہنی نے معاشرے میں ہونے والے امتیاز کے بارے میں بھی بات کی اور تمام لوگوں سے اپنا نقطہ نظر تبدیل کرنے کو کہا۔ تنظیم کی پورنیما ، کرن ، جیوتی دیوی ، شکنتلا ، سنتوش کماری ، راحت مغل ، کرشنا ، ترون ، دیو بجل ، رام ، گیتا ، رجنی ، سوما ، وغیرہ موجود تھے۔
