یو این آئی
ممبئی؍؍ بالی ووڈ میں، امرتا سنگھ کا شمار ایسی اداکارہ کے طور پر ہوتا ہے جنہوں نے 80 اور 90 کی دہائی میں اپنی دلکش اداؤں سے شائقین کو بہت محظوظ کیا۔امرتا کی پیدائش 9 فروری، 1958 کو ہوئی۔ سال 1983 میں انہوں نے اپنے فلمی کیریئر کا آغاز دھرمند کی ہدایت میں بنی فلم ‘بیتاب ’ سے کیا۔ اس فلم میں ان کے ہیرو سنی دیول تھے ۔ یہ ان دونوں کی پہلی فلم تھی۔ ناظرین نے سنی اور امرتا سنگھ کی جوڑی کو پسند کیا اور فلم بھی باکس آفس پرسپر ہٹ رہی۔سال 1984 میں، امرتا سنگھ کو ایک بار پھر سنی دیول کے ساتھ فلم ‘سنی’ میں کام کرنے کا موقع ملا۔ یہ فلم اوسط کامیابی حاصل کرسکی۔ 1985 میں امرتا نے فلم ’صاحب’ میں انل کپور کے ساتھ کام کیا۔ اس فلم کا ایک نغمہ ‘یار بنا چین کہاں رے ’ آج بھی شائقین کے درمیان بہت مقبول ہے ۔سال 1985 ء میں ریلیز ہونے والی فلم ‘مرد’ امرتا سنگھ کے کیریئر کے لئے ایک سپر ہٹ فلم ثابت ہوئی۔ منموہن دیسائی کی ہدایت میں بنی فلم میں امرتا کو سپراسٹار امیتابھ بچن کے ساتھ کام کرنے کا موقع ملا۔امیتابھ اور امریتا کی جوڑی کو شائقین بہت پسند کیا۔ سال 1986 میں، امرتا سنگھ کی ‘نام’ اور‘چمیلی کی شادی’سپر ہٹ فلمیں رہیں۔ فلم نام میں جہاں امرتا نے سنجیدہ اداکاری کی ، وہیں انہوں نے چمیلی کی شادی میں مزاحیہ کردار ادا کرکے ناظرین کو دیوانہ بنا دیا ۔ ۔1989 میں، امرتا سنگھ کو امیتابھ بچن کے ساتھ ‘طوفان ’اور ‘جادوگر’ جیسی فلموں میں کام کرنے کا موقع ملا تھا لیکن بدقسمتی سے دونوں ہی فلمیں باکس آفس پر کوئی خاص کمال نہیں دکھاسکی۔ سال 1993 کی فلم‘ آئینہ’ امرتا کی شاندار فلموں میں شامل ہوگئی۔ اس فلم میں امرتا کا کردار جزوی طور پر گرے شیڈ لئے ہوئے تھا۔ اس فلم کے لئے انہیں بہترین معاون اداکارہ کے لئے فلم فیئر ایوارڈ دیا گیا ۔سال 1991 میں امرتا سنگھ نے سیف علی خان سے شادی کرلی حالانکہ یہ شادی طویل عرصہ تک کامیاب نہیں ہوئی۔ 2004 میں امرتا اور سیف کی راہیں الگ ہوگئیں۔ سال ۔1993 میں فلم ‘رنگ’ میں کام کرنے کے بعد امرتا نے فلم انڈسٹری سے کنارہ کرلیا۔سال 2002 میں امرتا سنگھ نے ایک مرتبہ پھر فلم ‘شہید’ کے ذریعہ بالی ووڈ میں واپسی کی۔ وہ ان دنوں کریکٹر ایکٹر س کے طور پر کام کررہی ہیں۔ سال 2013 میں امرتا سنگھ نے فلم ‘اورنگ زیب’ میں نیگیٹو کردار نبھایا تھا۔ بعدازاں انہوں نے 2014 میں ریلیز سپرہٹ فلم 2 ۔ اسٹیٹ، دی فلائنگ جٹ، ہندی میڈیم اور 2019 میں سپرہٹ فلم ‘بدلہ’ میں کام کیا ہے ۔
