ریو ڈی جننیریو؍؍برازیل کے جنوب مشرقی صوبہ مناس گیرائس میں شدید سیلاب اور اس کے بعد لینڈ سلائڈنگ سے سے 52 افراد کے مارے جانے کی اطلاعات ہیں۔ حکام کے مطابق ہلاکتیں ریاست مناس گیرائس اور اسپیریتو سینٹو میں ہوئیں، جبکہ درجنوں افراد اب بھی لاپتہ ہیں۔ طوفانی بارش اور سیلاب سے 30 ہزار افراد متاثر ہوئے ہیں۔سیلاب اور لینڈ سلائیڈنگ کے باعث 20 ہزار سے زائد افراد کو محفوظ مقامات پر منتقل کیا گیا ہے ۔ متاثرہ علاقے اور شہروں میں ایمرجنسی نافذ ہے ۔مزید بارش کی پیش گوئی کے باعث انتظامیہ کو الرٹ رہنے کی ہدایت بھی کی گئی ہے ۔ ایجنسی کے مطابق سیلاب کی وجہ سے 65 افراد زخمی ہوئے ہیں، 28،893 جبکہ افراد کو گھر بار چھوڑنا پڑا ہے اور 4،397 بے گھر ہوئے ہیں۔اس علاقے میں جمعہ سے ہو رہی موسلادھار بارش کے سبب سیلاب سے متاثر 101 شہروں میں ایمرجنسی کا اعلان کیاگیا ہے ۔ برازیل حکومت نے اتوار کو مناس گیرائس کی تعمیر نو کے لئے نو کروڑ ریئل دینے کا وعدہ کیا ہے
