کولکاتہ، 22 جنوری (یواین آئی) مغربی بنگال کی وزیر اعلی ممتا بنرجی بدھ کو دارجيلنگ پہاڑی علاقے میں شہریت ترمیمی قانون (سي اےاے)، قومی شہری رجسٹر (این آر سي) اور قومی آبادی رجسٹر (این پی آر) کے خلاف ہونے والی ریلی کی قیادت کریں گی۔
محترمہ بنرجی اس قانون کے خلاف ریاست میں ہونے والے احتجاج ومظاہروں کا گزشتہ کئی ہفتوں سے قیادت کر رہی ہیں۔ ان کی قیادت میں کولکتہ میں کئی ریلیاں منعقد ہوئی ہیں۔ ترنمول چھاتر پریشد اور ترنمول مہیلا کانگریس کی کارکنوں نے بھی احتجاج و مظاہہرہ کیا ہے۔
قابل ذکر ہے کہ مغربی بنگال ملک کی واحد ریاست ہے جس نے این آر پي کے معاملہ پر دہلی میں مرکزی حکومت کے اجلاس کا بائیکاٹ کیا تھا۔ ساتھ ہی’ اتربنگ اتسو‘ کا بھی بائیکاٹ کیا تھا۔
محترمہ بنرجی نے وا شگاف الفاظ میں کہا ہے کہ بنگال میں این پی آر اور سي اےاے لاگو نہیں ہو گا۔ انہوں نے ریاست کے لوگوں سے وعدہ کیا ہے کہ وہ ان کی ہر دن حفاظت کریں گی۔
