کولکتہ؍؍ دو بار کی چمپئن اے ٹي کے نے ایف سی گوا کو اپنے گھر میں سنیچر کی رات 2-0 سے شکست دے کر ایف سی نے ہیرو انڈین سپر لیگ (آئی ایس ایل ) کے چھٹے سیزن کی پوائنٹس ٹیبل میں پہلا مقام حاصل کر لیا ہے ۔سالٹ لیک اسٹیڈیم میں قریب 25 ہزار شائقین کی موجودگی میں کھیلے گئے اس میچ میں اے ٹي کے کے لئے پریتم کونٹال نے 47 ویں منٹ میں گول کیا جبکہ جیش رانے نے 88 ویں منٹ میں دوسرا گول کر اپنی ٹیم کی ساتویں جیت پکی کر دی۔ اے ٹي کے کے 13 میچوں سے 24 پوائنٹس ہو گئے ہیں۔ گوا کے بھی اتنے ہی پوائنٹس ہیں لیکن گول فرق کے لحاظ سے اے ٹي کے آگے ہے ۔ٹاپ -4 میں شامل ان دو ٹیموں کے درمیان یہ مقابلہ ھاف ٹائم تک بغیر گول برابری پر رہا۔ دونوں ٹیموں نے اپنا مکمل دم خم لگایا لیکن گول کرنے کا موقع کسی کو نہیں مل سکا۔ باکس کے اندر کئی شاٹ لئے گئے لیکن ان میں سے زیادہ تر ہدف سے دور رہے ۔پہلا حملہ دوسرے منٹ میں اے ٹي کے کی جانب سے ہوا لیکن جیویر ھرنانڈیز اپنے شاٹ کو کنٹرول نہیں کر سکے اور گیند گول کے کافی دور سے نکل گئی۔ اس کے بعد چھٹے منٹ میں گوا کے لئے مانویر نے ایک موو بنایا لیکن ان کا شاٹ گول اسکور کے دور سے نکل گیا۔آٹھویں منٹ میں مائیکل سوساراج نے اے ٹي کے لئے موو بنایا اور باکس کے اندر رائے کرشنا کو ایک پاس دینا چاہا لیکن گیند رائے کے کافی دور سے نکل گئی۔ اسی طرح 10 ویں منٹ میں کرشنا نے پربیر داس کے ساتھ مل کر ایک اچھا موو بنایا تھا لیکن گوا کے گول کیپر محمد نواز نے اسے ناکام کردیا۔
