ٹرک اوراسكارپيو کی ٹکر سے سات افراد کی موت، ایک زخمی

جے پور، 20 جنوری ( یواین آئی) راجستھان میں ضلع چورو کے سالاسر تھانہ علاقہ میں گزشتہ دیر رات ایک سكارپيو کے ٹرک سے ٹکرانے کے سبب سات افراد کی موت ہو گئی جبکہ ایک زخمی ہو گیا ۔ پولیس ذرائع نے آج بتایا کہ دیر رات قومی شاہراہ 58 پر سكارپيو میں آٹھ لوگ ڈیگانا کی طرف جا رہے تھے کہ ٹول ناکے کے نزدیک ناما گاؤں میں اچانک تیزی سے جا رہی سكارپيو سامنے جا رہے ٹرک کے پیچھے ٹکرا گئی ۔ اس سے عمران خان، غازی خان، عمران خان، رفیق، بابو خان، اقبال اور ایک دیگر کی موقع پر ہی موت ہو گئی جبکہ خوشی محمد زخمی ہو گیا ۔ اسے سیکر کے اسپتال میں داخل کرایا گیا ہے ۔ پولیس نے بتایا کہ حادثے کی جانچ کی جا رہی ہے