یواین آئی
نئی دہلی؍؍وزیراعظم نریندرمودی پیر کو امتحان کے سلسلے میں طلبہ میں تناؤ کو دور کرنے کے مقصد سے ‘پریکشا پر چرچا2020’کے دوران طلبہ ،ٹیچروں اور سرپرستوں کے ساتھ بات چیت کرکے ٹپس دیں گے ۔مسٹر مودی طلبہ کے ساتھ بات چیت کر یں گے ۔اس پروگرام کا انعقاد تال کٹورا سٹیڈیم میں گیارہ بچے سے ہوگا۔اس دوران وزیراعظم منتخبہ طلبہ و طالبات کے سوالوں کا جواب دیں گے اور ان سے بات چیت کریں گے تاکہ ان کے تناؤ کو کم کیا جا سکے ۔طلبہ و طالبات ،ٹیچروں اور والدین میں اس پروگرام کے سلسلے میں نہ صرف دلچسپی اور جوش دیکھا جارہا ہے بلکہ انہیں مسٹر مودی سے کچھ ایسے مشورے (ٹپس) ملیں گے جس سے وہ ہلکے پھلکے ماحول میں امتحان دے سکیں گے اور اس کے بہتر نتیجہ بھی اخذ ہوں گے ۔مسٹر مودی نے پہلی بار فروری 2018 اور دوسری بار جنوری 2019 میں ‘پریکشا پر چرچا’ میں حصہ لیاتھا۔یہ دونوں پروگرام دہلی میں ہوئے تھے ۔
