یواین آئی
نیویارک؍؍بین الاقوامی ہیومن رائٹس واچ کے ایگزیکٹیو ڈائرکٹر کینتھ روتھ نے کہا ہے کہ وزیر اعظم نریندر مودی حکومت کی مسلم مخالف پالیسیوں کی وجہ سے تنظیم کافی فکر مند ہے ۔مسٹر روتھ نے منگل کو کہا‘‘ہم کشمیر میں ان کے کاموں، آسام میں ان کے کاموں اور اب حال ہی میں اس امتیازی شہریت قانون کی طرف سے مودی حکومت کی مسلم مخالف پالیسی کے بارے میں انتہائی فکر مند ہیں’’۔قابل ذکر ہے کہ گزشتہ ماہ پارلیمنٹ نے پاکستان، بنگلہ دیش اور افغانستان سے آئے ہندو، سکھ، بدھ، جین، پارسی اور عیسائی مذاہب کے لوگوں کو شہریت پیش کرنے والا بل شہری ترمیمی قانون (سي اے اے ) منظور کیا تھا۔ اس کے مطابق مسلمانوں کو اس کے تحت شہریت نہیں دی جائے گی۔ اس سے قبل گزشتہ سال 5اگست کو مرکزی حکومت نے جموں کشمیر سے دفعہ 370 ہٹانے کا اعلان کیا تھا
