سورت؍؍ گجرات میں سورت کی ایک خصوصی عدالت نے اپنی ہی نابالغ بیٹی سے جنسی زیادتی اور حاملہ کرنے کے بعد گلا دباکر قتل کرنے والے ایک وحشی باپ کو آج پھانسی کی سزا سنائی ۔ استغاثہ فریق کے مطابق بنیادی طور پر اڈیشہ کے باشندے اور یہاں پانڈیسرا علاقے میں رہنے والے ٹوکن داس کی 14 برس کی بیٹی لیزا کی لاش 30 جون 2017 کو ڈوماس روڈ پر ایک سنسان جگہ سے برآمد ہوئی تھی۔ پوسٹ مارٹم کے دوران اس کے حاملہ ہونے کی بات کا انکشاف ہوا تھا۔ تفتیش میں پتہ چلا کہ ٹوکن نے ہی اسے بار بار جنسی زیادتی کا شکار بنایا تھا اور بعد ازاں اپنے کالے کرتوت کو چھپانے کے لیے اس کا گلا دباکر قتل کر دیا تھا۔ خصوصی عدالت کے جج پی ایس کالا نے اسے پھانسی کی سزا سنائی۔
