نظربندسیاسی قائدین کو رہاکیاجائے:شوکت علی چوہدری
لازوال ڈیسک
جموں؍؍جموں و کشمیر صاف ستھراموومنٹ کے صدر شوکت علی چوہدری نے مرکزی حکومت سے جموں و کشمیر کے گرفتار سیاسی رہنماؤں کو رہاکرنے کی مانگ کی ۔ شوکت علی چودھری نے یہ بھی کہا کہ مرکزی حکومت جموں وکشمیر کی ترقی اور جمہوری نظام کو برقرار رکھنے کے لئے جموں و کشمیر میں اسمبلی چنائو کے لئے ضروری کارروائی کی جائے۔ چودھری نے پریس بریفنگ میں گفتگو کرتے ہوئے کہا کہ سابق وزیر اعلیٰ فاروق عبداللہ ، سابق وزیراعلیٰ عمر عبد اللہ اور سابق سی ایم محبوبہ مفتی سمیت جموں و کشمیر کے دیگر سیاسی رہنماؤں کو پانچ ماہ سے زائد عرصہ میں گرفتار کرنا قواعد و ضوابط کے خلاف ہے۔ انہوں نے کہا کہ یہ نہ صرف جمہوریت کے خلاف ہے بلکہ دیگر سیاسی سرگرمیوں کو بھی روک دیا گیا ہے۔ مسٹر چودھری نے کہا کہ ہندوستان ایک بہت بڑا جمہوری ملک ہے اور تمام لوگوں کو اپنی رائے کا اظہار کرنے کا حق ہے۔ لیکن بدقسمتی سے جموں و کشمیر میں سیاسی رہنماؤں کی گرفتاری جمہوریت کا استحصال ہے ، انہوں نے کہا کہ یہ بھی ناانصافی ہے اور ناقابل قبول بھی۔ مسٹر چودھری نے محترم وزیر داخلہ امت شاہ اور لیفٹیننٹ گورنر جے اینڈ کے (UT) سے بھی اپیل کی کہ وہ جموں و کشمیر کے گرفتار سیاسی رہنماؤں کو فوری طور پر آزاد کریں اور انہیں جموں وکشمیرکی ترقی کے لئے سیاسی سرگرمیوں کی اجازت دیں۔ انہوں نے جموں و کشمیر میں جلد سے جلد اسمبلی انتخابات کرنے کی بھی اپیل کی ، تاکہ لوگ جمہوریت پر اعتماد کریں اور ان کے زیر التوا مقدمات اور مطالبات کو حل کریں۔ انہوں نے جموں و کشمیر میں انٹرنیٹ سروس شروع کرنے کی بھی اپیل کی ، انہوں نے کہا کہ انٹرنیٹ سروس بند ہونے کی وجہ سے جموں و کشمیر میں بہت زیادہ نقصان ہوا ہے اور سارا کاروبار رک گیا ہے۔
