نئی دہلی (یو این آئی ) ریو اولمپک کی چاندی کا تمغہ فاتح پی وی سندھو نے عالمی چمپئن شپ کی پہلی ہندستانی فاتح ہونے کی تاریخ رقم کی لیکن اسے چھوڑ کر ان کی کارکردگی کو پورے سال کمی دیکھنے کو ملی جبکہ نوجوان کھلاڑی لکشے سین ہندستانی بیڈمنٹن کے نئے اسٹار بن کر ابھرے ۔چراغ شیٹی اور ساتوک سائی راج رینکي ریڈي کی جوڑی نے سال 2019 میں مرد ڈبلز مقابلوں میں کچھ شاندار مظاہرہ کیا اور اگلے سال کے ٹوکیو اولمپک کے لئے امید بندھا دی۔ سندھو کے عالمی اعزاز، لکشے کے سال کے پانچ خطاب اور اپنی سب سے بہترین 32 ویں رینکنگ اور چراغ شیٹی اور ساتوک کی مرد ڈبلز میں شاندار کارکردگی اس سال ہندستانی بیڈمنٹن میں چند نمایاں کامیابیاں رہیں۔سندھو نے اگست میں جاپان کی نوجومي اوکھارا کو مسلسل گیموں میں شکست دے کر عالمی چمپئن شپ جیتنے کے ساتھ نئی تاریخ رقم کی۔ وہ یہ کامیابی حاصل کرنے والی پہلی ہندوستانی کھلاڑی بنی۔ سندھو اس خطاب سے پہلے تک اور اس خطاب کو جیتنے کے بعد سال کے آخر تک جدوجہد کرتی رہیں۔ ان کا پورے سال میں یہی واحد خطاب رہا۔
