بی جے پی جھارکھنڈ کی ترقی کے لئے ہمیشہ پرعزم رہے گی:امیت شاہ
یواین آئی
نئی دہلی؍؍بھارتیہ جنتا پارٹی کے صدر امیت شاہ نے جھارکھنڈ اسمبلی انتخابات کے نتائج کو قبول کرتے ہوئے آج کہا ہے کہ بی جے پی ریاست کی ترقی کے لئے ہمیشہ پرعزم رہے گی۔مسٹر امیت شاہ نے یہاں اپنے پیغام میں کہا ہے کہ ‘‘ہم جھارکھنڈ کی عوام کے ذریعہ دیئے گئے عوامی مینڈیٹ کی عزت کرتے ہیں۔’’انہوں نے کہا کہ بی جے پی کو پانچ برسوں تک ریاست کی خدمت کرنے کا جو موقع دیا تھا اس کے لئے ہم عوام کا دل کی گہرائیوںسے شکریہ ادا کرتے ہیں۔’’انہوں نے کہا کہ بی جے پی مسلسل ریاست کی ترقی کے لئے پرعزم رہے گی۔ انہوں نے کہا کہ بی جے پی کے سبھی کارکنوں کا ان کی بے پناہ محنتوں کے لئے شکریہ ۔جھارکھنڈ اسمبلی انتخابات میں برسراقتدار بی جے پی کو زبردست جھٹکا لگا ہے اور جھارکھنڈ مکتی مورچہ اور کانگریس اتحاد اکثریت حاصل کرتا دکھ رہا ہے ۔ وزیراعلی رگھوور داس جمشیدپور (مشرق) سے ، بی جے پی کے ریاستی صدر لکشمن گلوا چکردھرپور سے اور اسمبلی کے اسپیکر دنیش ارواں سسئی اسمبلی حلقہ سے اپنے اپنے نزدیکی حریف سے بڑے فرق سے پیچھے ہے
