وہ ہمارے پیارے ہندوستان کو تقسیم کر رہے ہیں اور پس پردہ نفرت پھیلا رہے ہیں
لازوال ڈیسک
نئی دہلی؍؍کانگریس کے سابق صدر راہل گاندھی نے وزیر اعظم نریندر مودی اور وزیر داخلہ امت شاہ پر معیشت کو تباہ کرنے کا الزام عائد کرتے ہوئے کہا ہے کہ انہوں نے ملک کے نوجوانوں کا مستقبل تباہ کر دیا ہے اور ان کے پاس اس کا کوئی جواب نہیں ہے ۔ مسٹر گاندھی نے اتوار کو نوجوانوں سے خطاب کرتے ہوئے یہ ٹویٹ کیا اور کہا ‘‘پیارے نوجوانو!، مودی اور شاہ نے آپ کا مستقبل تبا ہ کر دیا ہے ۔ معیشت کو ہوئے نقصان اور نوکریوں کی قلت کو لے کر وہ آپ کے غصے کا سامنا نہیں کر سکتے ہیں ۔ یہی وجہ ہے کہ وہ ہمارے پیارے ہندوستان کو تقسیم کر رہے ہیں اور پس پردہ نفرت پھیلا رہے ہیں’’۔ انہوں نے کہا کہ ان کے پاس نوجوانوں کے سوالات کا جواب نہیں ہے اس لئے تو وہ تقسیم کرنے کی حکمت عملی اپنا رہے ہیں لیکن ملک کو بچانے کے لئے ہمیں ہر ہندوستانی کے ساتھ محبت سے پیش آنا ہے ۔ انہوں نے کہا ‘‘ہر ہندوستانی کے تیئں محبت کا جذبہ رکھ ہی ہم ان کے تقسیم کاری کے ارادوں کو نیست و نابود کر سکتے ہیں’’
