نئی دہلی، (یو این آئی ) عالمی کشتی چمپئن شپ کے سلور میڈلسٹ ہندستانی مرد پہلوان دیپک پنیا نے اپنے نام ایک اور کامیابی شامل کر لی ہے ۔ یونائیٹڈ ورلڈ کشتی (یوڈبلیوڈبلیو) نے دیپک کو ‘جونیئر فری اسٹائل ریسلر آف دی ایئر’ منتخب کیا ہے ۔ جونیئر سے سینئر کلاس میں شفٹ ہوئے پنیا نے جونیئر عالمی چمپئن شپ میں 86 کلوگرام فری اسٹائل کلاس میں طلائی تمغہ جیت کر ہندستان کے 18 سال کے خشک سالی کو ختم کیا تھا۔ اس کے علاوہ انہوں نے اس سال سینئر عالمی کشتی چمپئن شپ میں بھی اپنے ڈیبو میں 86 کلوگرام کلاس میں چاندی کا تمغہ جیتا تھا اور ملک کو ٹوکیو اولمپک کا کوٹہ دلایا تھا۔ پنیا نے اس اعزاز پر کہاکہ میں بہت خوشی محسوس کر رہا ہوں۔ دنیا بھر کے پہلوانوں کے درمیان سے منتخب کیا جانا میرے لئے یہ بہت اعزاز کی بات ہے ۔ اپنی کارکردگی کو بہتر بنانے اور اپنا بہترین مظاہرہ دینے کے لئے یہ میرے لئے تحریک کا بڑا ذریعہ ہے ۔ پنیا اس سال نور سلطان میں ہوئی عالمی چمپئن شپ کے فائنل میں جگہ بنانے والے واحد ہندستانی تھے ۔چوٹ کی وجہ سے وہ فائنل میں ایران کے حسن یزداني کے خلاف میٹ پر نہیں اتر پائے تھے ۔ لیکن انہوں نے اپنے ڈیبو کو یادگار بناتے ہوئے 86 کلو گرام وزن کی کلاس میں ٹوکیو اولمپک کا ٹکٹ حاصل کیا تھا۔ اپنی اس شاندار کارکردگی کے دم پر وہ 86 کلو کلاس میں یوڈبلیوڈبلیو رینکنگ میں نمبر -1 مقام پر پہنچ گئے ہیں۔ 2016 کے ورلڈ کیڈٹ میں طلائی تمغہ جیتنے والے پنیا اس وقت بیجنگ اولمپکس کے سلور میڈلسٹ اور 2003 عالمی چمپئن شپ کے سلور میڈلسٹ مراد کی رہنمائی میں ٹریننگ حاصل کر رہے ہیں۔ پنیا نے کہاکہ میں نے اب تک ان کے ساتھ کچھ دن کی جو تربیت کی ہے اس سے میں کافی مطمئن ہوں۔ مراد میری کمزوریوں پر سخت محنت کر رہے ہیں۔ میں نے اپنی رفتار پر کام کیا ہے اور اب میں بہتر ہو رہا ہوں۔ انہوں نے کہاکہ میرے اعتماد کی سطح میں بہت سدھار ہو رہا ہے اور اس میں کوئی شک نہیں ہے ۔ میں اب اگلے سال ہونے والے ٹوکیو اولمپکس میں اپنا سو فیصد دینے کے لئے زیادہ بے تاب ہوں۔ میں ٹاٹا موٹرز کو شکر گزار ہوں کہ وہ میری ساری ضروریات کی توجہ رکھ رہے ہیں
