کولکتہ، 18 دسمبر (یواین آئی) انڈین پریمیئر لیگ (آئی پی ایل) کے 2020 کے آئندہ سیشن کے لئے جمعرات کو یہاں ہونے والی کھلاڑیوں کی نیلامی میں یہ دیکھنا دلچسپ ہوگا کہ اس مرتبہ کس کھلاڑی کو زیادہ قیمت ملے گی۔ نیلامی میں کل 332 کھلاڑی نیلامی میں قسمت آزمائیں گے اور ان میں سے 29 غیر ملکیوں سمیت 73 کھلاڑیوں کو خریدا جانا ہے ۔آئی پی ایل نیلامی کی تاریخ ہے کہ ہر بار کوئی ایسا کھلاڑی نکل کر سامنے آتا ہے جس پر جم کر قیمت لگتی ہے اور وہ راتوں رات سب سے بڑا کروڑپتی بن جاتا ہے ۔ آئی پی ایل ٹیموں نے جو کھلاڑی ری ٹین کئے ہیں ان میں رائل چیلنجرز بنگلور ٹیم کے کپتان وراٹ کوہلی 17 کروڑ روپے کی قیمت کے ساتھ اس لیگ کے سب سے مہنگے کھلاڑی ہیں۔ چنئی سپر کنگ کے مہندر سنگھ دھونی، ممبئی انڈینس کے روہت شرما اور دہلی کیپٹلس کے رشبھ پنت کی قیمت 15-15 کروڑ روپے ہے ۔چنئی نے سریش رینا کو 11 کروڑ، کنگز الیون پنجاب نے لوکیش راہل کو 11 کروڑ، کولکتہ نائٹ رائڈرس نے سنیل نارائن کو 12.50 کروڑ، ممبئی نے ہاردک پانڈیا کو 11 کروڑ، راجستھان رائلس نے اسٹیون اسمتھ اور بین سٹوکس کو 12.50 کروڑ، بنگلور نے اے بی ڈی ویلیئرز کو 11 کروڑ اور سن رائزرس حیدرآباد نے ڈیوڈ وارنر کو 12.50 کروڑ اور منیش پانڈے کو 11 کروڑ روپے میں برقرار رکھا ہے ۔یہ دیکھنا دلچسپ ہوگا کہ نیلامی میں کس کھلاڑی پر کتنی زیادہ قیمت لگتی ہے ۔اس سے پہلے بھی آئی پی ایل میں کئی ایسے کھلاڑی سامنے آئے ہیں جن کی قیمت نے چونکایا ہے ۔ سابق آل راؤنڈر یوراج سنگھ کو 2015 کی نیلامی میں دہلی نے 16 کروڑ روپے کی ناقابل یقین قیمت پر خریدا تھا ۔یوراج کو 2014 میں بنگلور نے 14 کروڑ میں خریدا تھا۔2016 کی نیلامی میں بنگلور نے شین واٹسن کو 9.5 کروڑ، 2017 میں نئی ٹیم رائزنگ پونے سپرجائنٹس نے بین اسٹوکس کو 14.50 کروڑ، 2018 میں راجستھان نے اسٹوکس کو 12.30 کروڑ اور 2019 کی نیلامی میں پنجاب نے جے دیو انادکٹ اور ورون چکرورتی کو 8.4 کروڑ روپے میں خریدا تھا۔انادکٹ کو 2018 کی نیلامی میں 11.50 کروڑ روپے ملے ۔. دنیش کارتک کو دہلی نے 2014 میں 12.50 کروڑ، کولکتہ نے 2011 میں گوتم گمبھیر کو 11.40 کروڑ اور چنئی نے 2012 میں رویندر جڈیجہ کو 9.72 کروڑ روپے میں خریدا تھا۔ اس مرتبہ نیلامی میں دو کروڑ روپے کی زیادہ سے زیادہ بیس پرائس میں جہاں تمام غیر ملکی کھلاڑیوں کو جگہ ملی ہے ، وہیں اس کے بعد 1.5 کروڑ روپے کے دوسرے بریکٹ میں رابن اتھپا اکیلے ہندوستانی ہیں۔ہندستانی کرکٹ کنٹرول بورڈ (بی سی سی آئی) نے جمعہ کو جاری اپنے بیان میں اس کی اطلاع دی۔ اگلے سال آئی پی ایل -2020 کیلئے نیلامی کولکتہ میں 19 دسمبر کو منعقد کی جائے گی۔آئی پی ایل نیلامی کے لئے ابتدا میں رجسٹرڈ کھلاڑیوں کی تعداد 971 تھی جسے آٹھ فرنچائزیز کی آخری فہرست کے بعد کم کرکے 332 کر دیا گیا ہے ۔کولکاتا میں ہونے والی نیلامی میں کل 186 ہندوستانی کھلاڑی، 143 غیر ملکی کھلاڑی اور تین ایسوسی ایٹ کے کھلاڑی شامل ہیں۔ نیلامی میں 73 کھلاڑیوں کو خریدا جانا ہے جس میں غیر ملکیوں کی تعداد 29 ہوگی۔کیپڈ کھلاڑیوں میں دو کروڑ روپے کے بلند ترین بریکٹ میں شامل تمام سات کھلاڑی غیر ملکی ہیں جن میں گلین میکسویل، پیٹ کمنز، جوش ہیزل وڈ، مشیل مارش، ڈیل اسٹین اور انجیلو میتھیوز شامل ہیں۔ہندوستانیوں میں اتھپا نے اپنی بنیاد ی قیمت ڈیڑھ کروڑ روپے رکھی ہے اور وہ دوسرے 1.5 کروڑ روپے کے بریکٹ کے کل 10 کھلاڑیوں میں اکیلے ہندستانی ہیں۔ہندوستانی کھلاڑیوں میں پیوش چاولہ، یوسف پٹھان اور جے دیو انادکٹ کا بیس پرائس ایک کروڑ روپے ہے ۔ ایک کروڑ روپے کے بریکٹ میں کل 23 کھلاڑی (3 ہندستانی ، 20 غیر ملکی)، 75 لاکھ روپے کے بریکٹ میں 16 کھلاڑی (تمام غیر ملکی) اور 50 لاکھ روپے کے بریکٹ میں کل 78 کھلاڑی (69 غیر ملکی، 9 ہندستانی ) شامل ہیں۔انکیپڈ کھلاڑیوں میں 40 لاکھ روپے کی زیادہ سے زیادہ بیس پرائس رکھی گئی ہے جس میں کل سات کھلاڑی (6 غیر ملکی، 1 ہندستانی )، 30 لاکھ روپے کے بیس پرائس میں کل 8 کھلاڑی (3 غیر ملکی، 5 ہندستانی ) اور 20 لاکھ روپے کے بیس پرائس میں کل 183 کھلاڑی (16 غیر ملکی، 167 ہندستانی ) شامل ہیں۔نیلامی کا آغاز سات بلے بازوں کی نیلامی سے ہو گا جس میں آرون فنچ، کرس لن، جیسن رائے ، ایون مورگن اور رابن اتھپا شامل ہیں۔ آخری فہرست میں 24 نئے کھلاڑیوں کو شامل کر دیا گیا ہے جن کے ناموں کی فرنچائز ٹیموں نے سفارش کی تھی۔ان نئے ناموں میں ویسٹ انڈیز کے تیز گیند باز کیسرک ولیمز، آسٹریلیا کے ڈین کرسٹین اور لیگ اسپنر ایڈم زمپا، بنگلہ دیش کے سابق کپتان مشفق الرحیم اور سرے کے 21 سالہ بلے باز ول جیکس شامل ہیں۔ ولیمز نے یو اے ای میں لنکاشائر کے خلاف سیزن سے پہلے ٹی -10 میچ میں صرف 25 گیندوں میں سنچری بنائی تھی۔نیلامی میں کھلاڑیوں کو ان کی مہارت کے مطابق رکھا گیا ہے ۔ نیلامی میں کھلاڑیوں کے فروخت ہونے کی ترتیب بلے باز، آل راؤنڈر، وکٹ کیپر-بلے باز، فاسٹ بولر اور اسپنر کے طور پر رہے گی۔ نیلامی میں پہلے کیپڈ کھلاڑی بکیں گے اور پھر انکیپڈ کھلاڑیوں کا نمبر آئے گا۔نیلامی سے پہلے آٹھ ٹیموں نے کل 35 غیر ملکی کھلاڑیوں سمیت 127 کھلاڑیوں کو رٹین کیا تھا۔ آٹھ ٹیمیں کھلاڑیوں کو رٹین کرنے میں 472.35 کروڑ روپے خرچ کر چکی ہیں اور نیلامی میں خریداری کے لیے ان کے پاس 207.65 کروڑ روپے کا پرس بچا ہے ۔نیلامی میں چنئی سپر کنگس کو کل پانچ، دہلی کیپٹلس کو 11، کنگز الیون پنجاب کو نو، کولکاتا نائٹ رائڈرس کو 11، ممبئی انڈینز کو سات، راجستھان رائلس کو 11، رائل چیلنجرز بنگلور کو 12 اور سنرائزرس حیدرآباد کو سات کھلاڑی خریدنے ہوں گے ۔چنئی نے 70.40 کروڑ روپے ، دہلی کیپٹلس نے 57.15 کروڑ روپے ، کنگز الیون پنجاب نے 42.30 کروڑ روپے ، کولکاتا نائٹ رائڈرس نے 49.35 کروڑ روپے ، ممبئی انڈینز نے 71.95 کروڑ روپے ، راجستھان رائلس نے 56.10 کروڑ روپے ، رائل چیلنجرز بنگلور نے 57.10 کروڑ روپے اور سنرائزرس حیدرآباد نے 68 کروڑ روپے کا پرس خرچ کر لیا ہے ۔نیلامی میں چنئی کے پاس 14.60 کروڑ روپے ، دہلی کیپٹلس کے پاس 27.85 کروڑ روپے ، کنگز الیون پنجاب کے پاس 42.70 کروڑ روپے ، کولکاتا نائٹ رائڈرس کے پاس 35.65 کروڑ روپے ، ممبئی انڈینز کے پاس 13.05 کروڑ روپے ، راجستھان رائلس کے پاس 28.90 کروڑ روپے ، رائل چیلنجرز بنگلور کے پاس 27.90 کروڑ روپے اور سنرائزرس حیدرآباد کے پاس 17 کروڑ روپے کا پرس دستیاب رہے گا۔موجودہ آٹھ ٹیمیں:۔
ممبئی انڈینس: روہت شرما، ہاردک پانڈیا، جسپریت بمراھ، کرنال پانڈیا،ایشان کشن، سورج کمار یادو، راہل چاھر، انمولپریت سنگھ، جینت یادو، آدتیہ تارے ، انوکل رائے ، دھول کلکرنی، کوئنٹن ڈی کوک، کیرون پولارڈ، شیرفین ردرفورڈ، لست ملنگا، مشیل میک کلنیگن اور ٹرینٹ بولٹ۔چنئی سپر کنگز: مہندر سنگھ دھونی، سریش رینا، فاف ڈو پلیسس، امباٹي رائیڈو، مرلی وجے ، رتوراج گایکواڈ، شین واٹسن، ڈوائن براوو، کیدار جادھو، اسکاٹ کگلیزن، رویندر جڈیجہ، مشیل سیٹنر، مونو کمار، این جگدیشن، ہربھجن سنگھ ، کرن شرما، عمران طاہر، دیپک چاھر، لونگی انگدي اور کے ایم آصف۔دہلی کیپٹلس: شکھر دھون، پرتھوی شا، شریس ایر، رشبھ پنت، ایشانت شرما، اجنکیا رہانے ، روی چندرن اشون، اکشر پٹیل، امت مشرا، ھرشل پٹیل، اویس خان، کیگسو ربادا، کیمو پال اور سندیپ لیمیچھانے ۔رائل چیلنجرز بنگلور: وراٹ کوہلی، محمد سراج، نودیپ سینی، دیودت پڈیکل، پارتھیو پٹیل، پون نیگی، امیش یادو، واشنگٹن سندر، گرکیرت سنگھ مان، شوم دوبے ، معین علی، یجویندر چہل اور اے بی ڈیولیرس۔راجستھان رائلس: اسٹیون اسمتھ، سنجو سیمسن، جوفرا آرچر، بین اسٹوکس، جوس بٹلر، ریان پراگ، ششانک سنگھ، شریس گوپال، مہی پال لومرور، ورون آرون، منن ووہرا، مینک مارکنڈے ، راہل تیوتیا اور انکت راجپوت۔کولکاتا نائٹ رائڈرس: آندرے رسل، دنیش کارتک، ہیری گرنی، کملیش ناگرکوٹی، کلدیپ یادو، لوکی فرگیوشن، نتیش رانا، پی کرشنا، رنکو سنگھ، سندیپ واریر، شوم ماوی، شبھمن گل، سددھیش لاڑ اور سنیل نارائن۔کنگز الیون پنجاب: کرس گیل، لوکیش راہل، ارشدیپ سنگھ، درشن نالکنڈے ، گوتم کرشپا، ھارڈس ولجوئن، جگدیش سچت، کر ون نائر، مندیپ سنگھ، مینک اگروال، محمد سمیع، مجیب زادران، مرگن اشون، نکولس پورن، ہرپریت برار اور سرفراز خان۔
سن رائزرس حیدرآباد: ابھیشیک شرما، باسل تھمپی، بھونیشور کمار، بلی اسٹینلیک، ڈیوڈ وارنر، جانی بیرسٹو، کین ولیمسن، منیش پانڈے ، محمد نبی، راشد خان، سندیپ شرما، شہباز ندیم، شریوتس گوسوامی، سدھارتھ کول، سید خلیل احمد، ٹی نٹراجن، وجے شنکر اور رددمان ساہا۔یواین آئی
