بھوپال؍؍سابق وزیر اعظم ڈاکٹر منموہن سنگھ کی موجودگی میں آج یہاں مدھیہ پردیش کی ایک سال پرانی کانگریس حکومت نے آئندہ پانچ برسوں کے ریاست کی ترقی کے مقاصد کو ظاہر کرنے والے ‘ویژن ٹو ڈلیوری-روڈ میپ 2020-25’ کو پیش کیا۔وزیر اعلی کمل ناتھ اور دیگر وزراء کی موجودگی میں ڈاکٹر سنگھ نے روڈ میپ جاری کیا۔ اس میں آئندہ پانچ برسوں کے دوران ریاستی حکومت کے مقاصد کو ظاہر کیا گیا ہے ۔مسٹر کمل ناتھ نے وزیر اعلی کے طور پر گزشتہ سال 17 دسمبر کو حلف لیا تھا۔ مسٹر کمل ناتھ نے اس موقع پر اپنی ایک سال کی اہم کامیابیوں کو بیان کیا اور یہ کہ یہ روڈ میپ کھوکھلا نہیں ہے اور اسے سوچ سمجھ کرتیار کیا گیا ہے ۔
