واشنگٹن 14 دسمبر (ژنہوا) امریکی صدر ڈونالڈ ٹرمپ نے برطانیہ کے وزیر اعظم بورس جانسن کو عام انتخابات میں شاندار فتح حاصل ہونے پر مبارکباد دی ہے۔
اوول آفس میں مسٹر ٹرمپ نے کہا ’’میں بورس جانسن کو شاندار فتح کے لئے مبارکباد دینا چاہتا ہوں‘‘۔
مسٹر ٹرمپ نے کہا ’’یہ بات امریکہ کے لئے بھی اچھی ثابت ہو گی کیونکہ ہم ان کے ساتھ مزید کاروبار کرنا چاہتے ہیں اور وہ بھی ہمارے ساتھ وسیع پیمانے پر کاروبار کرنا بھی چاہتے ہیں‘‘۔
امریکی محکمہ خارجہ نے اسی روز برطانیہ کو بھیجے اپنے ایک مبارکبادی پیغام میں کہا تھا کہ امریکہ برطانیہ کے یورپی یونین سے باضابطہ طور پر دستبردار ی کے بعد اس کے ساتھ آزادانہ تجارت کے معاہدے کے تحت معاشی تعلقات کو وسیع کرنے کے لئے پرعزم ہے۔
قابل ذکر بات یہ ہے کہ جمعہ کو ہوئے برطانیہ کے عام انتخابات میں کنزرویٹو پارٹی کی واضح اکثریت حاصل ہونے کے بعد بورس جانسن کو باضابطہ طور پر فاتح قرار دیا گیا تھا۔
